Кашлицата е многу чест симптом на настинките или грипот. Може да потрае и неколку денови, и може да биде здодевна и напорна. Честото кашлање може да ве остави и без сон, а пречи и во извршувањето на секојдневните обврски.
Без разлика дали е сува кашлица или продуктивна, постојаното кашлање го исцрпува организмот. Освен што го спречува добриот сон, предизвикува и воспаление на ребрените, градните и абдоминалните мускули или гребење во грлото.
За среќа, постојат неколку лесни и проверени начини со кои може да се намалат тегобите кои ги предизвикува упорното кашлање.
Гаргара со солена вода
Иако ова е рецепт што најчесто се препорачува во болки во грлото, сепак гаргарата со солена вода е многу корисна и за кашлањето. Солта го стимулира создавањето на слуз, што помага особено кај сувата кашлица.
Чаеви од билки со мед
Пред спиење напијте се чаша билен чај и зачинете со лажица мед. Секоја топла течност може да ја разбие насобраната слуз во дишните патишта.
Спијте на повисока перница
Слузот од синусите се таложи на градите, па ако навечер се подигнете на повеќе перници може да го ублажите ова.
Влажност на воздухот
Сувиот воздух може да ја влоши кашлицата, иато како и премногу влажниот воздухот. Грините и мувлата се алергени кои бараат влажна средина. Затоа се препорачува влагата во домот да биде меѓу 40 и 50 отсто.
Инхалации
Сувите дишни патишта ја влошуваат кашлицата, затоа и луѓето чувствуваат олеснување по туширате или опуштање во топла бања. Инхалациите се многу делотворни и треба да се практикуваат секоја вечер.
Секако, доколку кашлицата трае подолго од седум дена, треба да се посети лекар, кој треба да ја открие причината за долготрајното кашлање и да препорача соодветен третман.
