Постојат милиони бактерии кои живат во устата, некои се добри, некои се лоши. Не постои начин со кој може целосно да се елиминираат лошите бактерии во устата, но нивниот број може да се ограничи со редовно четкање и чистење на забите со забен конец. Добрите бактерии позитивно влијаат на јакнење на имуниот систем, а лошите предизвикуваат кариес и пародентални болести.
Ако кариесот е предизвикан од лошите бактерии, како тоа се случува?
Тој дел се однесува на шеќерот. Она што се става во јадењата е многу важно, а она што се јаде и пие директно влијае од моментот кога ќе се внесе во уста. Спротивно на мислењето, шеќерот не “се лепи“ за забите и така предизвикува кариес, туку кога се консумираат благи пијалаци или шеќери и јаглехидрати, лошите бактерии токму тие шеќери и скробот ги користат како храна, Тоа значи дека секој јаглехидрат може да допринесе за појава на крварење на забите, па дури и храната која изгледа безопасна.
Кога лошите бактерии ќе ги изедат честичките на остатоците храна во устата, произведуваат киселина која ја униптува обвивката на забите. Тоа омекнување на глеѓта, всушност е почеток на кариес. Ако ништо не се превземе, забот се повеќе ќе се уништува. Оној момент кога кариесот ќе го допре дентинскиот слој (под обвивката), тој се шири и процесот станува се побрз и на крај стигнува до живецот, внатре во забот.
За забите да останат здрави што подолго, потребно е придржување до некои едноставни правила. Секако дека генетиката игра голема улога, па некои луѓе имаат природно силна глеѓ, а други едноставно имаат поголем број лоши бактерии. Важно е да не се заборави дека кариесот е заразен, па така лошите бактерии може да се колонизираат од една во друга уста.
