Возењето со едно или две лица во автомобил е една од најризичните работи која може да ја направите кога е во прашање преносот на коронавирусот, бидејќи, иако се чини дека е нешто побебзедна варојанта од јавниот превоз, сепак се работи за ограничен и затворен простор.
Дури и ако сите патници носат маски, оние најситните честички може да побегнат во воздухот.
“Тоа не е важно ако сте на отворено, бидејќи честичките веднаш се разредуваат“, вели Варгезе Матаи, физичар на Универзитетот Масечусетс.
“Но, ако сте во затворен простор како автомобил, тие честички може да останат во кабината и да се зголемат во воздухот“, додава тој.
Матаи заедно со колегите од Универзитетот Браун, истражувал како ситните честички се движат во кабината на возилото во разни варијанти на вентилација.
Нималку не изненадува дека нивната симулација, објавена во списанието Science Advances, покажала дека отворањето прозор е најефикасната метода за расчистување на потенцијално набиените честички на вирусот од автомобилот.
Кога сите прозори биле затворени, помеѓу осум и 10 отсто од честичките кои едно лице ги издишувало, можеле да допрат до сопатникот. Таа бројка би паднала на само 0,2 до два проценти кога сите четири прозорци биле отворени.
Секако, во студен зимски ден отворањето на сите прозорци не е најпрактична опција, па авторите експериментирале со разни варијанти и дошле до некои сугестии.
Нивната симулација се темелела на возење во автомобил со брзина од 80км/час во возач на лево предно седиште и еден патник на задно десно седиште.
Најдобра вентилација, ако ако веќе сите прозори не можат да бидат отворени, овозможола комбинација на отворен прозор наспроти возачот (преден десен) и кај патникот (заден лев).
Во автомобилот во движење, свежиот воздух типично струи низ задниот прозор и излегува на предниот, објаснува Матаи. Отворањето прозор на спротивните страни од оние кои се наоѓаат во автомобилот, освен што им се овозможува излез на честичките, создава струење на воздухот што го одвојува возачот од патникот.
Но, Матаи напоменува дека само подотворени прозори нема да бидат од голема корист. Вели дека би било добро да бидат барем до половина отворени.
На крајот истакнува дека дополнителната вентилација во автомобилот не е замена за останатите мерки на превенција, како носење маска, миење раце и дезинфекција на заедничките површини.
