На многумина им е познато чувството кога срцето во градите ќе почне да чука посилно од вообичаено. Ова се два едноставни, но ефикасни методи кои може да помогнат при забрзано чукање на срцето.
При нагло намалување на температурата, човечкото срце почнува да чука забавено. На тој начин нервниот систем го прилагодува организмот на новите услови. Срцето најбро реагира кога ќе се олади лицето, бидејќи му е поблиску од останатите делови од телото.
Затоа се препорачува во случај на тахикардии да се направи следното:
Прв начин
Во длабок сад ставете студена вода. Колку водата е постудена, тоа подобро, па затоа ако имате мраз, додадете го и него. Задржете го здивот, ако е потребно стиснете го со прсти и носот, и нагло спуштете го лицето во студената вода на неколку секунди.
Ако немате соодветен сад, земете вода со дланките и спуштете го лицето во нив. Исто така, може и да го масирате лицето со коцки мраз, особено во пределот на слепоочниците.
Втор начин
Со оваа процедура се делува на нервот кој го регулира бројот на контракции на срцето. Техниката се изведува на следниот начин: вдишете длабоко и напрегнете ги стомачните мускули. Со палецот и показалецот затворете го носот, устата и очите. Обидете се со затворени нос и уста да издишете и натаму напрегајќи ги стомачните мускули.
Ниту една од овие две методи не смеете да ги применувате доколку тахикардијата е проследена со силна болка во градите или чувствувате недостаток на воздух. Во овој случај единствено решение е да повикате итна помош.
