Човековата природа е тема на филозофски расправи веќе илјадници години, а со помош на модерната технологија и наука, конечно почнале да се разјаснуваат овие мистерии.
Во раните фази на студиите, научниците успеале да заклучат еден факт: нашиот мозок е физички програмиран да им помага на другите.
Сите благодати на добрината
Со скенирање на мозокот може лесно да се воочи дека со размислувањето за туѓите проблеми се активираат истите делови на мозокот кои се активираат кога размислуваме и за своите, додека сочувството ги активира деловите одговорни за чувството на задоволство.
Во секојдневниот живот многу луѓе избираат да се откажат од слободното време за да им помогнат на другите, било да се работи за помагање на постарите, спасување на напуштени животни, туѓи животи или некому да му помогнат да го реши проблемот. За добри дела сведочиме секојдневно, но што е тоа во нас што не тера да им помагаме на другите, да правиме херојски подвизи да спасиме туѓ живот, притоа не размислувајќи за својот? Истражувањата покажале дека помагањето на други, помага и самите да се чувствуваме подобро. Но, тоа не е се. Ваквото однесување влијае на нас и физички, а се поголем број научници веруваат дека правењето добри дела позитивно влијае и на нашето здравје, а некои студии заклучиле дека алтруизмот помага и за подолг живот.
Алтруизам
Врската меѓу алтруизмот и стресот е откриена случајно, во 1956 година, кога тим истражувачи спровеле истражување на 427 мажени жени со деца. Очекувале дека жените со повеќе деца ќе бидат под поголем стрес, па заради тоа ќе имаат и пократок животен век. Истражувачите биле изненадени кога откриле дека бројот на деца, образование, класа и работниот статус не влијаеле на долговечноста. Во истата студидја, која траела 30 години, сосема случајно е откриено дека 52 % од жените кои никогаш не волонтирале, заболеле од некои тешки болести, за разлика од 32 % жени кои редоввно волонтирале.
Ова откритие ги заинтересирало научниците, па спровеле уште неколку студии. Една заклучила како редовното правење добри дела, го намалува ризикот од прерана смрт за 44 %, што е подобар резултат од редовното вежбање. Друга студија спроведена во 1990 година ги испитувала личните есеи на чесни сестри од 30-тите години. Истражувачите откриле дека чесните сестри кои искажале најмногу позитивни емоции живееле околу 10 години подолго од оние кои изкажале помалку емоции.
Многу студии покажале дека алтруизмот значајно го намалува нивото на стрес, главна причина за многу болести, а со самото тоа и значајно ја менува нашата физиологија.
