Ракот е една од водечките смртни болести во светот. И покрај тоа што медицината секојдневно напредува, се уште има многу работи кои треба да се направат, како во поглед на превенцијата, така и во поглед на лекувањето на оваа опака болест. Клучно е да се делува превентивно, а еве како тоа го прават докторите.
Заштита на кожата
Дерматолог Џозеф Собанко од универзитетот Пенсилванија секое утро користи заштитен фактор 30 со цинк или титан диоксид. Бидејќи, како што вели, „нашата кожа е онаа која најверојатно ќе победи во конкуренцијата за награда за најверојатно добивање рак.“
Добар појадок
Во борбата против ракот помага исхраната богата со зеленчук, влакна и омега 3-масни киселини. Онкологот Филип Шпис за појадок јаде тортилја со јајца. Во тавче загрејте една четвртина чаша спанаќ и помешајте ја со јајца. Сето тоа завиткајте го во тортилја од цели зрна со малку кашкавал, третина авокадо и мала лажичка лут сос.
Без пластика
Д-р Јуни Чен, уролог, никогаш не го пакува својот работен ручек во пластични садови кои може да содржат хемикалии кои би можеле да предизвикаат рак. Својата салата од кељ, фета сирење, семиња и суво грозје ги пакува во стаклен сад.
Движењето е задолжително
Онколог Кит МекКреј, и покрај исцрпната работа, вежба дури шест дена во неделата. Сака да вози велосипед, а во прилог на вежбањето како превенција од рак оди и истражувањето кое потврдува дека луѓето кои имаат два и пол часа умерена активност неделно имаат 31 отсто помал ризик од смрт од рак за разлика од оние кои не вежбаат.
Јаткасти плодови
Онкологот Метју Јургелун за ужинка избира бадеми или ф’стаци. Ова е одличен начин за надминување на гладот и желбата за масни или слатки грицки кои придонесуваат за дебелеење, вели тој. Дури и едно истражување покажа дека пушачите кои јадат ореви го намалуваат ризикот од рак на белите дробови. Јадете 20 до 24 јаткасти плодови на ден.
Рибата е одличен избор
Урологот Кристофер Сајгал јаде риба, но не и месо. Неговата типична вечера е филе од лосос со кафеав ориз и зеленчук. Јадете го овој оброк два пати неделно. „Им кажувам на моите пациенти дека храната која е здрава за срцето е поврзана и со помал ризик од рак на простата“, вели докторот.
Поздравете се со хроничниот стрес
И хроничниот стрес може да биде виновник за ракот. Урологот Нелсон Бенет советува една вежба: Затворете ја вратата и седнете, стишете го телефонот. Дишете длабоко преку носот и издишувајте преку устата, така десет пати. Затворете ги очите и слушајте ги звуците околу вас, дури и зуењето на флуоресцентните светла. Потоа фокусирајте се на вашиот здив. Не грижете се ако вашите мисли талкаат. Бидете упорни и ќе се навикнете.
Пијте зелен чај
Зелениот чај е богат со антиоксиданти. Онкологот Алан Ван пие чаша зелен чај секое утро. Едноставно, а корисно.
