Денес, на пример, приоритет се става на анорексичниот изглед, а не на здравјето. Дамите кои ја одбележаа првата половина на 20 век и тоа како имале свој поглед на совршениот изглед и практикувале лимитирана исхрана, но, секако, немало толку радикални откажувања за постигнување совршена линија.
Одри Хепберн
Во едно интервју синот на Одри Хепберн, Лука Доти, потврдил дека неговата мајка била мошне категорична по прашањето за исхраната и животот, но дека предност секогаш и давала на свежата храна која ја набавувала од локалните продавачи на пазарот во Швајцарија. Актерката пиела многу вода, 80 отсто од нејзината исхрана се базирале на овошје и зеленчук и не била голем љубител на месо. Еднаш месечно практикувала и детокс кој подразбирал лимитиран внес на овошје, зеленчук и јогурт и неограничени количества на вода.
Елизабет Тејлор
Авторката на книгата “I’ll Have What She’s Having: My Adventures In Celebrity Dieting”, ја тестирала диетата на Тејлор, која го подразбирала ова мени – за појадок кајгана со мимоза салата, за ручек тост со путер, а за вечера пилешко со кикиритки, пире од компир и пченкарен леб. Резултатот? За 14 дена, Ребека Харингтон симнала 3 кг.
Џеки Кенеди
Гламурозната Џеки практикувала различни стратегии. Понекогаш јадела само компир со кавијар, а консумирала домати со сирење кога не била многу гладна. Меѓу нејзините омилени слатки е колачот Peaches Cardinal, станува збор за варени праски во сос од брусница, сервирани со топка сладолед.
Софија Лорен
Италијанската актерка во повеќе наврати истакнала дека се придржува до медитеранската диета, која подразбира зеленчук, паста и вино: „Повеќе би сакала да јадам паста и да пијам вино, отколку да носам облека со XS големина.“
Мерилин Монро
За магазинот Pageant Magazine од 1952 година, Мерилин открила дека нејзиниот магичен напиток кој го пие секое утро се состои од 2 матени јајца и чаша топло млеко. За ручек јадела сладолед, за вечера, пак, имала обичај да изеде стек или јагнешко со пет свежи моркова.
Грета Гарбо
Авторката Ребека Харингтон во книгата “I’ll Have What She’s Having: My Adventures In Celebrity Dieting” истакнала дека славната Грета Гарбо имала специфичен однос кон храната и дека верувала во тн. “wonder foods” – често консумирање меласа и овесни снегулки.
