Губењето тежина за некои луѓе е најтешката задача што може да постои и голем проблем, но ако успеете да ги активирате хормоните кои влијаат на процесот на слабеење за кратко време може да си помогнете. Хормоните се одговорни за регулирање на нашата телесна тежина, а ние ви откриваме 6 начини како без диета да ги активирате хормоните кои влијаат на слабеењето и на тој начин да го забрзате метаболизмот.
Хормоните играат значајна улога во процесот на слабеење – тие можат и да помогнат и да го отежнат слабеењето, во зависност од нивната рамнотежа и функција во телото.
Еве како некои клучни хормони влијаат врз телесната тежина:
-
Инсулин – го регулира шеќерот во крвта. Високи нивоа на инсулин (често резултат на прекумерна консумација на шеќери и јаглехидрати) можат да доведат до складирање на масти и дебелеење.
-
Лептин – го контролира апетитот и сигнализира кога сте сити. Кај некои лица со прекумерна тежина се јавува „лептинска резистенција“, што значи дека телото не ги препознава сигналите за ситост.
-
Грелин – познат како „хормон на гладта“. Тој се зголемува кога сте гладни и се намалува после јадење. При рестриктивни диети, грелинот може да остане висок, што го отежнува одржувањето на тежината.
-
Кортизол – хормон на стрес. Хронично зголемен кортизол (поради стрес или лош сон) е поврзан со зголемување на масти, особено околу стомакот.
-
Тироидни хормони (Т3 и Т4) – ја регулираат метаболичката стапка. Намалена функција на тироидната жлезда (хипотироидизам) може да го забави метаболизмот и да предизвика дебелеење.
Во некои случаи, медицинска хормонска терапија (на пример, за тироидни проблеми или кај менопауза) може да помогне во регулирање на тежината, но секогаш треба да се спроведува под надзор на лекар.
Намалете ја желбата за храна така што ќе внесувате намирници кои заситуваат
Некоја храна едноставно повеќе заситува од друга. Ова ќе го забележите не само по тоа што ќе имате чувство на полн желудник, туку и по тоа колку долго после оброкот ќе бидете сити и нема да посакате повторно да јадете. Хормонот заслужен за регулирање на тежината кој е одговорен за чувството на ситост се нарекува лептин, а храната богата со протеини е одличен начин да го нахраните своето тело и да го активирате лептинот за подолго да се чувствувате сити. Лептинот му зборува на мозокот дека повеќе не сте гладни и да престанете да јадете. Истражувањето покажало дека благото зголемување на внесот на протеини во исхраната, заедно со физичката активност, енергетски контролирана исхрана, ја подобрува регулацијата на телесната тежина. Студија покажала дека консумирањето протеини го зголемува чувството на ситост и им помага на луѓето да загубат на тежина, но така да не загубат мускулна маса.
Изградете мускулна маса
Истиот хормон кој ја зголемува мускулната маса кај билдерите, кај вас може да биде клуч за губење килограми. Хормонот тестостерон е присутен и кај мажите и кај жените, а неговото ниво можеме да го зголемиме така што ќе креваме тегови. Колку е повисок тестостеронот, полесно ќе слабеете, затоа што мускулите согоруваат масти. Кревајте тегови со соодветна тежина, со доволно повторувања, додека не почувствувате дека мускулите горат и брзо ќе видите резултати. Ако немате тегови, можете да го активирате овој хормон лесно додека го кревате детето, носите 4 полни торби или пакети млеко од автомобилот до кујната.
Не го прескокнувајте појадокот
Наутро, вие буквално ги активирате хормоните одговорни за губење тежина со прекин на целовечерниот пост. Додека спиете тело вашето тело е во пост и согорува малку калории додека ги обработува дневните информации низ соништа и сеќавања. Срцевиот ритам и дишењето се бавни, што значи дека и метаболизмот е бавен додека одморате. За да го разбудите телото и да предизвикате скок на метаболизмот започнете го денот со протеини од растително потекло, како и растителни извори на масти и јаглехидрати. Не ја надминувајте бројката од 800 калории и уделот на јаглехидрати во оброкот нека биде помал од уделот на протеини и масти.
Согорувајте масти и додека седите
Тироидните хормони кои влијаат на губењето тежина ги произведува жлезда во форма на пеперутка сместена во грлото, под името тироидна или штитна жлезда. Истражување на гојазноста со проучување на функцијата на штитната жлезда така што се мерени тироидните хормони: тријодтиронин (Т3) и тироксин (Т4) кај дебели деца пред и после слабеење, покажало и дека мал губиток на тежина доведува до намалување на нивоата на хормоните Т3 и Т4. Намалувањето на овие хормони доведува со поефикасен метаболизам и додека одморате, што води кон понатамошно губење на тежината. Доволно е да загубите само 5 кг за да ги активирате тироидните хормони и да продолжите со намалување на тежината.
Добар сон
Нивото на хормонот лептин заслужен за чувството на ситост, зависи и дали спиете 6 до 8 часа секоја ноќ. Ако немате квалитетен сон, нивото на лептин се намалува, па ќе имате поголема желба за храна и енергија за да го надоместите недостатокот на одмор. Вашето тело сфаќа дека ако сте уморни ви треба енергија во вид на храна, а нивото на хормонот лептин не е доволно високо за да му каже на мозокот дека всушност не сте гладни.
Јога дишење
Фокусираното дишење кое го практикуваат јога мајсторите го менува нивото на хормоните на надбубрежната жлезда одговорни за слабеење. Студијата во која истражувачите барале од учесниците да дишат низ една ноздра, додека другата ја држат затворена, 27 респираторни циклуси, повторувајќи го ова 4 пати дневно во текот на еден месец, покажала дека учесниците го забрзале метаболизмот и потрошувачката на кислород во текот на одморањето за 37 отсто.
