Хормоните се навистина чудесни хемиски соединенија. Не само што ги регулираат повеќето животни функции, туку тие се и регулатори на емоциите. Еден од тие хормони е и окситоцинот, кој, меѓу другото, ја регулира и емоционалната поврзаност. Без окситоцин животот станува механички.
„Дете со ниско ниво на окситоцин ќе си игра само, нема да има потреба од другари и нема да пати поради тоа. Возрасните на кои им недостасува овој хормон, често живеат сами, или се разведени, сакаат работа која може да ја извршуваат сами, не сакаат да соработуваат со другите, не зборуваат и секој контакт им е проблематичен„, објаснува д-р Сања Тољан.
Според неа, жените со ниско ниво на окситоцин слабо постигнуваат оргазам,а мажите не може да воспостават вистински љубовен однос. Овие лица, додава д-р Тољан, изгледаат напнато, имаат рационално-интелектуален пристап на животот и се бледи во лицето. Ретко се смеат.
Мајките кои немаат доволно окситоцин имаат комплицирано породување, проблеми со доењето, а отежнато е и емоционалното поврзување со бебето.
Мажите стануваат почувствителни
Окситоцинот може емоционално да ги зближи партнерите, и да им овозможи поубав и поквалитетен живот. Додека кај жените овој хормон учествува во предизвикување на оргазам, кај мажиме има друго дејство – тие стануваат поемоционални, сакаат да се гушкаат, бакнуваат, да ги искажуваат емоциите.
Како правилно да го зголемите
Едноставно – гушкајте се. Секој ден гушнете ги членовите на своето семејство, а ако живеете сами, гушкајте се и галете се со домашниот миленик. Во тие моменти вашето тело создава окситоцин.
