Во емоција на лутина организмот лачи зголемено количество на хормонот норадреналин, па со консумирање на храна на база на млеко и млечни производи како што се кефир, јогурт, сирење, влијаеме на намалување на овој хормон, а со тоа се намалува и негативната емоција.
Во мозокот, со ваквата исхрана се потпомага синтезата на инхибициските супстанци – соединенија кои делуваат на кочење на мозочните активности – што доведува до смирување. Слично делуваат и лековите бензодиазепини.
Кога сме тажни, се препорачува храна која може да го намали серотонинот во мозокот, а тоа се житарки, маснотии, слатки. Многу често, во моменти на тага, по нив посегнуваме инстиктивно, а притоа не сме свесни дека тажното расположение го лекуваме со слатките. Сепак, на прво место треба да се стават житарките, бидејќи тие подолго време ќе обезбедат ситост на организмот, додека со консумација на концентрирани јаглехидрати, како што се слатките ќе се поттикнат позитивните чувства, но доброто расположение ќе трае кратко.
Слатките и маснотиите се високоенергетски намирници, па затоа треба да се консумираат во мали количини. И минимален внес на овие производи го прават посреќен животот.
При чувство на анксиозност и безволност, се препорачува риба и месо. Овде треба да се даде предност на белото месо, како што се мисиркино или пилешко месо, а добар избор се јагнешкото и телешкото, бидејќи, освен што ги смируваат тегобите, го подигнуваат и расположението. За елиминирање на безволноста, рибата е најдобар избор. Освен што ја враќа позитивната енергија, благодарение на омега 3 масните киселини, делува и на крвотокот.
Може да се каже дека емоциите имаат големо влијание на дебелеењето. Емоциите во мозокот се создаваат со специфични хемиски процеси, благодарение на кои може да научиме да ги контролираме телото, душата, па и чувствата. Емоциите имаат големо влијание на процесот на дебелеење, односно на фактот дека кога сме под влијание на емоциите, склони сме да внесуваме повеќе храна отколку што ни е потребно за секојдневните активности.
