Годините и други фактори влијаат на хормоналниот баланс, што може да доведе до ризици по здравјето. Затоа, хормоните треба да се негуваат и да се одржува нивниот хармоничен однос. Запознајте се со храната која доколку ја консумирате, ви гарантира дека овој важен систем на телото, ќе ви работи како часовник.
Сурутката го подига нивото на серотонин
Неоправдано потценет млечен производ кој ја зголемува чувствителноста на инсулинот, а кој благодарение на високиот процент на триптофан го подигнува нивото на серотонин (хормон на среќа), ја ублажува депресијата и помага во борба против стресот. Но, тоа не е е се. Сурутката влијае при намалување на телесната тежина, ја зголемува мускулната маса и го јакне имунитетот.
Зелениот чај го намалува лачењето на кортизол
Истражувања чии резултати се објавени 1999 година во познатото американско списание Клиничка диета, покажале дека соединението теанин, присутно во зелениот чај, го намалува лачењето на хормонот кортизол, кој е одговорен за создавање на сало во стомакот, го забрзува метаболизмот и ги согорува мастите.
Циметот го усогласува лачењето на инсулин
Ароматичниот зачин цимет одамна е познат како најдобар регулатор на лачењето на инсулинот. Студии покажале дека циметот ги стимулира клетките во црниот дроб подобро да реагираат на овој хормон, што обезбедува урамнотежено ниво на глукоза во крвта.
Чиата ја подобрува чувствителноста на инсулин
Чудесното безглутенско семе од чиа е најдобар природен извор на омега-3 масни киселини и на влакна, а кога станува збор за дејство врз хормоните, во голема мера ја подобрува чувствителноста на инсулин, го стабилизира нивото на глукоза во крвта, ги намалува мачнините предизвикани со метаболичкиот синдром и го намалува високиот крвен притисок.
Јаткасти плодови за цврст сон
Експерти од универзитет во Тексас откриле дека јаткастите плодови се исклучително добар и богат извор на природен мелатонин, хормон кој е задолжен за мирен и цврст сон.
Гоџи бобинки за здрав панкреас
Консумирањето на гоџи бобинките го намалува нивото на шеќер во крвта и ја намалува отпорноста на инсулин. Во Канада е направена студија врз гојазни мажи, кои во период од три недели секој ден пиеле сок од гоџи или акаи бобинки. Ним, шеќерот во крвта им паднал за околу 10 %, додека им се намалила и инсулинската резистенција. Заклучокот е дека антоцијаните од овие плодови позитивно влијаат на здравјето на панкреасот и на тој начин го регулираат нивото на глукоза во крвта.
