Шведските научници внимателно следеле 28 бебиња за да видат низ какви промени поминуваат на самиот почеток на нивниот живот. Ова истражување, објавено во магазинот „Acta Pediatrica“, покажало како новороденчето се однесува инстинктивно, кога е оставено да ги направи првите слободни движења на телото и првиот контакт со мајката. Авторите на истражувањето истакнуваат дека времето варира од бебе до бебе, а дека наведените минути се означени како просечни вредности.
Раѓање: Бебето плаче гласно, будејќи ги на тој начин белите дробови.
2 минути: Бебето се смирува, одмора – по можност на мајчините гради.
2,5 минути: Бебињата првпат ги отвораат очите и постепено почнуваа да ја движат главата и усните.
8 минути: Бебињата стануваат поактивни – ги држат очите подолго отворени. Ги гледаат мајчините очи и гради, плачејќи покажуваат дека се гладни и ги насочуваат своите рачиња кон усните.
18 минути: Бебето се одмора после првите движења.
36 минути: Бебињата почнуваат да го користат своето сетило за мирис, сè уште се заинтересирани за мајчините гради.
62 минути: Време е за прво доење! Бебињата цицаат колострум – прво мајчино млеко, кое содржи многу хранливи материи и молекули кои го зајакнуваат имунитетот. Ова рано цицање го стимулира производството на млеко и и помага на матката да се врати што поскоро во својата претходна состојба.
70 минути: Бебето потонува во сон.
