Сите чекаме кога ќе го здогледаме светлото на крајот од тунелот наречен КОВИД-19, а се чини дека тој момент се ближи, особено сега кога се повеќе луѓе имаат примено и по две дози од вакцината против коронавирусната болест.
Заклучно со вчерашниот ден, во земјава се аплицирани 175.348 дози вакцини, а ревакцинирани се вкупно 25.648 лица. Позитивниот тренд во процесот на имунизација ќе продолжи и следната недела, особено ако се знае дека се поголем е бројот на граѓани кои електронски се пријавуваат да ја добијат својата доза вакцина против КОВИД-19.
Поради овие податоци, се повеќе луѓе се надеваат дека крајот на пандемијата е многу близу.
ЗА ЕДНА ГОДИНА СЕ БИ МОЖЕЛО ДА СЕ ВРАТИ ВО НОРМАЛА
“Се надевам дека на овој ден, идната година ќе видиме драстични промени, ако го споредиме тоа со она што го имаме денес“, вели д-р Ентони Фаучи и додава дека верува оти тогаш ќе имаме нормална ситуација, колку таа може да биде, но и таа е условена со некои работи.
За да дојде до такво подобрување, д-р Фаучи истакнува дека треба да се вакцинира поголем дел од популацијата, бидејќи кога тоа ќе се случи, вирусот повеќе нема да има каде да се шири.
“Во моментов постојат бројни ранливи категории, а кога тоа ќе престанат да бидат, пандемијата ќе ја снема. Нема да се јавуваат бројки кои денес имаме можност да ги видиме“, додава тој.
Со сите достапни вакцини, директорот на Американскиот национален институт за злергии и заразни болести, смета дека тогаш ќе биде можно да бидеме во “нормална“ ситуација или она кое за нас пред пандемијата беше нормално.
ТРУДНИЦИТЕ СМЕАТ ДА СЕ ВАКЦИНИРААТ И НЕМА ОД ШТО ДА СЕ ПЛАШАТ
“Ако се погледнат податоците, се чини дека тоа не би требало да предизивика никакви проблеми. Има голем број на трудници кои се вакцинираа“, вели д-р Фаучи како одговор на прашањето што би им порачал на бремените жени и жените кои сакаат да забременат во однос на вакцината против КОВИД-19. Тој потенцира дека се уште нема црвени знамиња или други показатели дека вакцинирањето на трудниците може да биде ризично.
Во својот извештај, Светската здравствена организација истакнува дека нема потреба да се прави тест за бременост пред вакцинацијата или да се одложува бременоста поради имунизацијата.
И без оваа прогноза, луѓето почнаа да се враѓаат на “стариот нормален“ начин на живот, како постепено се отвораат кафулињата и рестораните и се подготвуваат разни случувања. Она што стручњаците досега го знаат е дека вакцината штити од тешки последици од болеста КОВИД-19.
