Откако пред седум недели го роди третото дете, принцот Луис, миленичката на Британците, Кејт Мидлтон, успеа неверојатно брзо да се врати во форма за што сведочат сликите од семејното дружење во клубот „Beaufort Polo“ во Глоучестершир.
Кејт Мидлтон со децата, принцот Џорџ и принцезата Шарлот, присуствуваа на добротворниот настан, натпревар во поло под називот „Maserati Royal Charity Polo Trophy“, на кој учествуваше и принцот Вилијам.
Освен што ја воодушеви јавноста со појавата во светлосиниот фустан, Кејт Мидлтон во прилично лежерното издание ја истакна и својата вита линија по раѓањето на принцот Луис.
Според Лора Спајсер, претставничка на клиниката „The Women’s Health“, некои мајки лесно се враќаат во првобитната форма по породувањето, што е најчесто резултат на комбинација на веќе постоечката кондиција и добрите гени.
„Некои жени навистина брзо се враќаат во форма после породувањето. Меѓутоа, ако сте по природа човек кој вежба и притоа сте имале нормална бременост се очекува дека лесно и во краток временски период ќе го постигнете физичкиот изглед што сте го имале пред бременоста. Исто така, во враќањето на старата линија многу влијае генетиката“, смета експертката, која се согласува дека Кејт после раѓањето на третото дете во рекордно време го стопила вишокот на килограми од бременоста.
„Сосема е нормално губењето на телесната тежина по породувањето кај повеќето жени да трае и до една година“
Брзото враќање во форма по породувањето, како што е случајот со Кејт Мидлтон, е резултат на здравиот начин на исхрана, кој во првите недели по породувањето, се чини невозможен. Барем за повеќето родилки.
„Откажувањето од сите намирници по кои чезнее вашето тело по породувањето е навистина тешка задача. Жените во првите недели по раѓањето природно чезнеат по јаглехидрати и слични хранливи материи. Секогаш ќе ги барате тие дополнителни калории, особено кога доите. Ако наведеното можете да го избегнете, ќе уживате во здрава храна и избалансирани оброци, па голема е веројатноста дека брзо ќе ги симнете насобраните килограми.“
Британската експертка не препорачува екстремен начин на исхрана и вежбање во текот на периодот на доење кога мајката се поврзува со новороденчето.
Новиот член на британското кралско семејство, Кејт Мидлтон го роди на 23 април, а фотографиите од нејзиниот беспрекорен изглед на скалите на болницата истиот ден по породувањето предизвикаа дискусии од светски размери. На високи потпетици, со фризура и совршена шминка само неколку часа по породувањето, Кејт Мидлтон направи невиден притисок врз идните мајки.
