Ракот е една од водечките смртносни болести во светот. И иако медицината напредувала, се уште постои уште многу што треба да се направи, како во превенцијата, така и во лекувањето. Токму поради тоа, мора сами да се обидеме да ја превенираме оваа тешка болест, како и да го намалиме ризикот од нејзина појава.
А, како од ракот се штитат лекарите и останатите здравствени стручњаци?
КОЖА
Дерматологот Џозеф Собанко од Универзитетот во Пенсилванија, секое утро користи заштитен фактор 30 со цинк, бидејќи кожата е орган кој најмногу е подложен за добивање на рак.
ПОЈАДОК
Во борба против ракот помага и исхрана богата со зеленчук, влакна и омега 3 масни киселини. Онкологот Филипе Спис за појадок јаде тортиља со јајца. Во тавче загрева една четвртина од шолја спанаќ, ја меша со јајце и 2 белки. Сето тоа го замотува во тортиља од полнозрнести житарки со малку сирење, една третина авокадо и мала лажичка лут сос.
ПЛАСТИЧНИ САДОВИ
Урологот Џун Чен својот ручек за на работа никогаш не го носи во пластичен сад кој може да содржи хемикалии кои може да предизвикаат рак. Својата салата од кељ, фета сирење, семки од тикви ја става во стаклен сад.
ДВИЖЕЊЕ
Онкологот Кеит Меккрај и покрај напорната работа вежба дури чест часа во неделата. Вози велосипед,а во прилог на вежбањето како превенцијата од рак зборува и истражување кое потврдило дека лицата кои имаат два и половина часа умерена активност неделно имаат за 31% помал ризик од смртност од рак, за разлика од оние кои воопшто не вежбаат.
ЈАТКАСТИ ПЛОДОВИ
Онкологот Метју Јургелун за ужина избира бадеми или ф’стаци. Тоа е одличен начин за намалување на гладот и желбата за масни и слатки грицки кои допринесуваат за дебелеење. Дури и едно истражување покажало дека пушачите кои јадат јаткасти плодови го намалуваат ризикот од рак на бели дробови. Консумирајте 20 до 24 парчиња јаткасти плодови на ден.
РИБА
Урологот Кристофер Сагал јаде риба, но не и многу месо. Негова типична вечера е филе од лосос со кафеав ориз и зеленчук. Јадете ваков оброк два пати во неделата. Тој на своите пациенти им советува дека храната која е здрава за срцето е поврзано помал ризик од рак на простата.
ХРОНИЧЕН СТРЕС
И хроничниот стрес може да биде виновник за ракот. Урологот Нелсон Бенет советува една вежба: Затворете врата и седнете, намалете го телефонот. Вдишете длабоко низ нос и издишете низ уста и така десет пати. Затворете ги очите и слушајте ги звуците околу себе, а потоа фокусирајте се на дишењето. Не грижете ако мислите ви лутаат. Бидете упорни и ќе стекнете рутина.
ЗЕЛЕН ЧАЈ
Зелениот чај е богат со антиоксиданти. Онокологот Ален Ван секое утро пие шолја зелен чај. Едноставно, а корисно.
