Ова се пет прашања од жени и пет одговори од гинеколог како најлесно на одмор кога имате месечен циклус.
Смеам ли да се капам во првите денови од циклусот?
Ако жената има уреден месечен циклус и нормално крвавење може да се капе на одмор уште првиот ден, но умерено, кратко и со тампон. Тампонот треба да го менува секој пат кога ќе излезе од вода. Доколку крвавењето е силно и обилно, сепак е препорачливо да причека ден-два. Капењето во базени со топла вода, може дополнително да го засили крварењето.
Смеам ли да се сончам за време на менструалниот циклус?
Сончањето во текот на најтоплиот дел од денот, како и седењето на жежок песок секогаш треба ги избегнувате. Во доцните попладневни часови кога сонцето е послабо сончањето е дозволено, но само ако имате слаб до умерен менструален циклус.
Исклучок се чувствителните жени со силни и неправилни крвавења. Тие, секако, би требало да избегнуваат престој на директно сонце.
Што морам да направам по годишниот одмор?
Откако ќе се вратите од море/река/езеро се препорачува употреба на вагиналети со пробиотик заради нормализирање на вагиналната флора. Во случај на појава на променет и обилен исцедок, проследен со чешање, пецкање или непријатен мирис се препорачува преглед кај матичниот гинеколог.
Промената на средина може да го поремети месечниот циклус, а капењето, мокриот костим за капење и седењето на јавна површина само во костим за капење може да предизвика воспаление, како и габично или бактериско заболување кое мора да се лекува.
Колку е паметно да се користи методата за одложување на циклусот во насока на безгрижно летување?
Во одредени ситуации (кои треба да се исклучок) може да се препорача некоја од методите за одложување на месечниот менструален циклус. Кај жените кои пијат хормонска орална контрацепција тоа е многу лесно изводливо. Додека кај природниот менструален циклус потребно е повеќе денови да се даваат таблети со кои се надополнува хормонот, за да не дојде до крвавење.
Може ли водата да биде преладна или претопла за капење во текот на месечниот циклус?
Ладната вода општо може да им штети на женските полови органи, во смисла на настинка или последично воспаление во делот на јајчниците, како и активирање на болка во местата на претходни воспаленија, а може да се јават и уринарни инфекции.
Топлата вода предизвикува вазодилатација – ширење на крвните садови во целото тело, па така и во матката што за последица може да даде обилно крвавење.
