Вакцинацијата во земјава се одвива континуирано, дел од населението, односно 920.442 лица се заштитени со една доза вакцина против коронавирусот, додека 401.336 се ревакцинрани. И покрај овие бројки, факт е дека и не така мал процент на граѓани одбиваат, односно не сакаат да се вакцинираат.
Ново истражување на Фондацијата Кајсер фемили објаснува што би можело да ги поттикне луѓето да се одлучат со вакцина да се заштитат од новиот коронавирус.
Студијата открила дека 21 процент од оние кои во јануари оваа година планирале да причекаат со вакцинирање, веќе се имунизирале.
Луѓето изјавиле дека тоа што нивните пријатели и семејства имале позитивно искуство со вакцинирањето им помогнало да и тие се одлучат да се вакцинираат против болеста КОВИД-19.
Причините поради кои се предомислиле и одлучиле да се вакцинираат, биле разговори со пријатели, членови на семејството, како и лекари, а многу е важно што и блиските лица немале сериозни нуспојави на вакцината.
Колебањето со вакцинирањето може да се шири еднакво брзо како и КОВИД-19, вели Ерик Ашер, лекар по семејна медицина во болницата Ленокс Хил во Њујорк.
“Една приказна со дезинформации може многу брзо да се рашири по медиумите, и тоа сме го виделе. Она што го знаеме се вековни информации за тоа како вакцините делуваат и кој е нивниот безбедносен профил. Најдобар начин против неодлучноста е размена на информации кои научниците и лекарите ги имаат за вакцините, за да се разбијат вообичаените митови„.
Медицинските стручњаци предупредуваат дека е важно да се разговара со сочувство со оние кои можеби се колебаат околу вакцинирањето против болеста КОВИД-19.
“Секогаш се враќам на она дека со мед ќе уловите повеќе муви отколку со помош на оцет“, вели д-р Вилијам Шафнер, професор на одделот за заразни болести на Медицинскиот факултет Вандербилт во Тенеси.
Непочитувањето на лицето кое досега одбивало да се вакцинира, нема да ве однесе далеку во уверувањето. Никогаш не смеете да ги омаловажувате. Секогаш мора да ја почитувате нивната загриженост и да сфатите дека нивното колебање е оправдано, а потоа да се обидете да им помогнете да го надминат тоа двоумење, така да им биде доволно лагодно да одлучат да примат вакцина.
За таа цел, не е на одмет да ги потсетите и на најлошите митови на социјалните мрежи за вакцината против КОВИД-19.
МИТ: Вакцината е пребрзо направена за да може да утврди дека е безбедна
Често се слушаат коментари како на пример дека лицето што се вакцинирало дозволило да стане експеримент. Но, според епидемиологот д -р Василиос Маргаритис, ова е далеку од вистината, па објаснува дека е вистина дека е откриена за кратко време и дека се работи за голем успех на науката. Тој појаснува дека технологијата зад овие вакцини всушност постои долго време, така што оваа вакцина е развиена само поради минатите напори на науката.
МИТ: Вакцината предизвикува неплодност
Според епидемиологот и експерт за јавно здравје д -р Елизабет Беатриз, за вакцината се шират целосно погрешни информации. Таа додава дека неколку жени кои биле вклучени во испитување на ефектот на вакцините,откако ја примиле, за кусо време забремениле.
МИТ: Многу луѓе веќе починале од последици од вакцините
Д-р Маргаритис појаснува дека се работи за популарен мит од само една причина, а тоа е што било кој може да пријави проблеми со вакцината, а тие податоци се анализираат, но не мора да значи дека вакцината ги предизвикува тие проблеми. Без научен контекст и сфаќање на позадината, лесно информациите погрешно се интерпретираат.
Она што е сигурно е дека голем број луѓе ширум светот ги загубија животите поради самата болест, па самата инфекција е многу поопасна.
МИТ: Вакцината дури не штити од болеста
Треба да знаеме дека постојат различни начини на функционирање на вакцината, како што е способноста да спречи инфекција и да превенира појава на тешки симптоми и сериозна форма на болеста, објаснува д-р Маргаритис. Во случај со вакцините против актуелна болест, тие се дизајнирани да спречат болести и сериозни последици.
Според резултатите од студијата, 95 процентната заштита дава до знаење дека за толку се намалени шансите да се појави потешка форма на болеста. Оние кои ја примаат вакцината и понатаму можат да се инфицираат, но сериозноста на симптомите ќе биде многу помала.
