Мозокот е контролен центар на телото, задолжен за одржување на функцијата на срцето и белите дробови и ни овозможува да се движиме, чувствуваме и да размислуваме. Од таа причина е многу важно да го одржуваме во врвна кондиција.
Храната што секојдневно ја консумираме игра голема улога во правилното одржување на функциите на мозокот и може многу да придонесе за подобрување на меморијата и концентрацијата.
Лекарите препорачуваат 11 прехранбени продукти кои ја поттикнуваат работата и го одржуваат здравјето на мозокот.
Масни риби
Кога зборуваме за најдобрата храна на мозокот, тогаш на прво место најчесто се масните риби. Тука спаѓаат лососот, пастрмката и сардините, кои се богати извори на омега-3 масни киселини. Околу 60 отсто од мозокот е направен од маснотии, а половина од нив е омега-3. Мозокот користи омега-3 за да ги изгради мозочните и нервните клетки и овие маснотии се од суштинско значење за процесите на учење и меморирање. Омега-3, исто така можат да го забават менталниот пад поврзан со стареењето и да помогнат да се спречи Алцхајмеровата болест.
Кафе
Ако кафето е важен дел од вашата утринска рутина, ќе ви биде драго да слушнете дека двете главни компоненти, кофеинот и антиоксидантите, се добри за мозокот.
Кофеинот во кафе има голем број позитивни ефекти врз мозокот, како зголемена будност, подобро расположение и изострена концентрација Студија покажала дека луѓето што пијат едно големо кафе наутро или неколку помали во текот на денот, биле поефикасни во задачите кои барале концентрација. Пиењето кафе долгорочно е исто така поврзано со намален ризик од невролошки заболувања, како што се Паркинсоновата болест и Алцхајмерова болест. Ова може барем делумно да се должи на високата концентрација на антиоксиданти.
Боровинки
Боровинките и други темно обоени зрнести овошја имаат антоцијани кои имаат антиинфламаторни и антиоксидантни ефект. Антиоксидансите дејствуваат против стресовите и воспаленијата, состојби кои можат да придонесат за стареење на мозокот и невродегенеративни заболувања.
Куркума
Куркуминот, активната состојка во куркумата ја преминува крвно-мозочната бариера, што значи дека може директно да влезе во мозокот и директно да му користи. Тоа е моќен антиоксидант и антиинфламаторно соединение кое може да помогне во подобрување на меморијата кај луѓето со Алцхајмерова болест, ја олеснува депресијата со тоа што ги зголемува серотонинот и допаминот. Студија покажа дека куркумата ги подобрува симптомите на депресија, исто колку и антидепресив во текот на шест недели. Овој жолт зачин помага на развојот на нови мозочни клетки што може да помогне да се одложи менталниот пад поврзан со стареењето.
Брокула
Брокулата е преполна со антиоксиданти, со витамин К, за кој ги содржи повеќе од 100 отсто од препорачаниот дневен внес. Овој витамин, растворлив во масти е од суштинско значење за формирање на сфинголипиди, тип на маснотии содржани во мозочните клетки.
Семки од тиква
Семките од тиква содржат моќни антиоксиданти кои го штитат телото и мозокот од оштетување на слободните радикали. Тие се исто така одличен извор на магнезиум, железо, цинк и бакар, важни за здравјето на мозокот. Цинкот е клучен за нервите, а дефицитот е поврзан со Алцхајмеровата болест, депресија и Паркинсонова болест, а магнезиумот е важен за учењето и меморијата.
Темно чоколадо
Темното чоколадо и какаото во прав се преполни со неколку соединенија кои го поттикнуваат функционирањето на мозокот, вклучувајќи ги флавоноидите, кофеинот и антиоксидантите. Во една студија, која вклучила над 900 луѓе, оние кои почесто јаделе чоколада биле подобри во ментални задачите
Ореви
Неколку хранливи материи во оревите, како што се здравите маснотии, антиоксидантите и витаминот Е, се објаснување за придобивките за здравјето на мозокот.
Портокали
Од еден средно голем портокал можете да го добиете дневното потребно количество на витамин Ц што е важно за здравјето на мозокот, бидејќи витаминот Ц е клучен фактор во спречувањето на менталниот пад поврзан со стареењето и Алцхајмеровата болест.
Витаминот Ц е моќен антиоксидант кој помага во борбата против слободните радикали кои можат да ги оштетат мозочните клетки.
Јајца
Јајцата се добар извор на неколку хранливи материи врзани за здравјето на мозокот, вклучувајќи витамините Б6 и Б12, фолати и холин
Зелен чај
Како што е случај со кафето, кофеинот во зелениот чај ја зголемува функцијата на мозокот, ја подобрува будноста, меморијата и фокусирањето.
