Кога станува збор за храната, луѓето прво помислуваат на нејзиниот вкус, дали им се допаѓа или не. Но, најголемата вредност е всушност во нивната хранливост и начинот на готвење со кој можеме максимално да ги извлечеме хранливите состојки.
Секогаш кога ќе одлучите да го готвите морковот, сетете се дека доколку го пресечете уништувате сѐ што е здраво во него. Морков со поголема површина испушта повеќе хранливи материи, што значи дека откако ќе се излупи и измие, треба да се вари цел. Се препорачува да се јаде само обарен, никако преварен.
Кога сме кај сечењето, никако не сечете лук, чешнињата треба да се згмечат и да се остават десетина минути да отстојат. На тој начин исуштаат ензими кои го намалуваат ризикот од кардиоваскуларните болести така што ги прават тромбоцитите помалку лепливи па полесно се движат.
Чајот е извонредна напивка, која има многу здравствени бенефити. Не само што помага при настинки и грип, туку и допринесува за релаксирање, опуштање, подобрување на варењето…. Но, ако саката висока апсорпција на хранливите состојки од чаевите никако не додавајте млеко. Оваа навика одзема од неговата лековитост, па затоа држете се до медот и лимонот како стандардни додатоци.
Сите знаеме дека зелените салати се одлични за пролетното прочистување на организмот од тешката зимска храна. Сепак, за да ги искористиме сите здрави состојки, а пред сѐ лутеинот, ликопенот, бета-каротенот и зеаксантинот, салатата не треба да се прелева со индустриски преливи. Доволно е да се зачини со маслиново масло и лимон.
Јаболки, круши или било кое друго овошје, треба да се јадат исклучиво кога се зрели, бидејќи во процесот на зреење се разградува хлорофилот, кој произведува високоактивни антиоксиданси во плодот.
Брокулата, без сомнение е една од најдобрите намирници кога станува збор за превенција на карциноми на дојка или на кожа. Најдобар начин е да се консумира обарена на пареа или пак свежа, бидејќи на тој начин се зачувуваат токму најдобрите состојки кои се борат против ракот.
