Најчест вид од болести на срцето е заболувањето на коронарните артерии, кое може да доведе до инфаркт. Педесет проценти од срцевите удари се случуваат одеднаш, без знаци на предупредување, а нив ги предизвикува блокада на дотокот на крв до некој дел на срцето. Она што го оневозможува доток на крв е запушување на артериите, кој медицински се нарекува атеросклероза. Наслагите во артериите создаваат крвни згрутчувања, кои спречуваат доток на крвта во срцето, а ако овие згрутчувања не се отстранат на време, дел од срцевиот мускул почнува за изумира, што може да доведе до инфаркт.
Меѓутоа, стручњаците многу пати потврдиле дека пет промени во животните навики може да спречат околу 80% од срцевите удари. Според најновата студија на Институот Каролина, промени во одредени животни навики можат драстично да го намалат ризикот од инфаркт. Претходна студија која го истражувала ризикот од срцеви болести во над 50 земји, открила дека 90% од срцевите болести може во целост да бидат спречени со промени во животните навики и исхраната.
- Здрава исхрана
- Физичка активност (прошетка/или возење велосипед, 40 или повеќе минути дневно и вежбање или повеќе дневно)
- Одржување на здрав обем на половината
- Умерено консумирање на алкохол (најмногу 10-30мл дневно)
- Избегнување на цигари
Повеќето луѓе не знаат дека трансмастите и преработени јаглехидрати се многу поштетни од заситените масти. Оваа заблуда влијаела и на индустријата на производство на храна, која која почнала да произведува храна со нисок процент на масти и да ги заменува здравите заситени масти со штетните трансмасти, преработен шеќер процесуирана фруктоза. Овој пристап довел до постојан пораст на дебелина и зголемување на бројот на срцеви болести.
Најважно што треба да направите е да избегнувате трансмасти и да ја отстраните од исхраната сета преработена храна. Доколку сакате да го намалите ризикот од срцеви болести, избегнувајте шеќери, процесуирана фруктоза и житарки. Јадете што е можно повеќе сурова храна, а јаглехидратите од житарките заменете ги со голема количина на зеленчук и месо. Најдобар извор на здрави масти се авокадо, путер од органско млеко, кокос, кокосово масло, жолчка, јаткасти плодови, ладно цедени масла.
Најлошо што може да си направите на себе е да чекате да се појават симптоми на срцева болест, за нешто да превземете. Веднаш превземете ги следниве чекори за да го заштитите срцето и да спречите трајни оштетувања:
- Избегнувајте ги сите видови на шеќери, ако сте отпорни на инсулин и лептин
- Јадете непреработени заситени животниски масти
- Не седете повеќе од три часа дневно
- Редовно вежбајте
- Внесувајте оптимална количина на витамин Д
- Пешачете боси по земја што можете почесто
- Намалете го нивото на стрес
