Дури и здрави, млади и витки лица во топ форма може да имаат корист ако го намалат дневниот внес за 300 калории. Ново истражување покажало дека оваа едноставна и здрава животна навика може да го намали ризикот од кардиоваскуларни болести, дијабетес, прекумерна телесна тежина, што значајно може да го продолжи животниот век, тврдат стручњаците.
Лица кои две години следеле упатства за исхраната со ограничен внес на калории, потоа имале понизок крвен притисок, понизок холестерол, намален ризик од метаболички синдром и подобра чувствителност на инсулин. Ова го покажале резултатите од истражувањето објавено во списанието The Lancet Diabetes & Endocrinology. Исто така, учесниците изгубиле во просек 7 килограми, од кои 71% било масно ткиво.
Како да исфрлите 300 калории дневно?
Престанете да јадете по вечерата. Грицки, мал сендвич, колачи. Се е забрането, па дури и вода. Доволно е да ја усвоите оваа навика и сте го решиле проблемот. Ако вообичаено јадете чинија сладолед пред спиење, а сега тоа сте го промениле, наскоро ќе забележите промена во огледалото.
Размислете за тоа кои намирници не ви се нужни во текот на оброкот за да се најадете. Во голем број случаи тоа е лебот, а една криша леб има 100 калории.
На почетокот секојдневно внимателно бројте ги калориите за да добиете увид во тоа како изгледаат 300 калории и што се во текот на денот јадете. Со тек на време, инстиктивно ќе знаете што да изедете, а што да прескокнете.
Исхраната со ограничен внес на калории на почетокот бара дисциплина и контрола, а во фаза на навикнување може да ви помогне нискокалорично овошје и зеленчук, намирници од скроб богати со влакна, немасни растителни и животински протеини, како и масти кои му годат на здравјето на срцето.
