Истражувачите анализирале повеќе од 300 000 жени кои биле дел од 15 студии ширум светот и откриле дека жените кои влегле во менопауза пред 50 година, веројатно, ќе имаат нефатален срцев проблем, како што е срцев удар, ангина пекторис или мозочен удар.
„Жените помлади од 40 години кои доживуваат предвремена менопауза имале речиси двојно поголем ризик од нефатално кардиоваскуларно случување пред 60 година од животот во однос на жените кои влегуваат во менопауза меѓу 50 и 51 година“, рекла авторката на студијата, доктор Гита Мишра.
Доктор Мишра додала дека жените кои влегле во менопауза меѓу 40 и 44 година имале за 40 отсто поголема веројатност да доживеат некои срцеви проблеми.
Претходните истражувања ја покажале врската меѓу раната менопауза и фаталните срцеви проблеми, објасниле авторите на студијата.
„Врската со нефатални кардиоваскуларни настани досега била нејасна. Пушењето, прекумерната тежина и ниското ниво на образование, исто така, може да ја засилат врската меѓу рана менопауза и женскиот ризик од кардиоваскуларни болести“, рекла доктор Мишра.
Откритието има значителни клинички и здравствени последици, вели водачот на студијата доктор Донгшан Зу.
„Препознавањето на жените во рана менопауза пружа можност на лекарите да работат со нив за да можат да ги следат и активно да управуваат со факторите на ризик од кардиоваскуларни болести. Раната клиничка дијагноза ќе помогне во подобрувањето на вкупното кардиоваскуларно здравје во постеменопаузалните години“, рекол доктор Зу.
Извештајот е обавен во магазинот „The Lancet: Public Health”.
