Промените треба да се евидентираат и секое ново искуство бара посебна грижа. Ова се неколку совети како да се грижиме за интимната зона според возраста.
Вагинални проблеми и интимна грижа за жени над 30-та година
Ако одамна користите контрацептивни апчиња, можен проблем е вагиналната сувост. Контрацепцијата ја спречува овулацијата и со годините тоа влијае на природната лубрикација на интимата. Ако, пак, тоа е периодот во кој жената одлучила да забремени можно е да се забележи затемнување на кожата (поради хормоните) или, пак, лесно проширени вени, особено во последниот триместар и малку по породувањето, поради тежината на матката. По раѓањето овие проблеми поминуваат на природен начин. Ако досега не сте почнале да правите вежби за затегнување на пелвичното дно, од типот на кегелови вежби, време е да започнете.
Вагинални проблеми и интимна грижа за жени над 40-та година
Во овој период телото веќе произведува помалку естроген. Во интимните делови тоа се рефлектира со можна појава на пигментирани флеки. Постепено циклусот станува послаб и пократок додека не влезете во менопаузата. Исто така, типично за овој период е нарушување на алкално-киселинскиот баланс, што може да доведе до вагинални воспаленија, црвенило, чешање. Добрата работа е тоа што овој проблем се решава лесно и пријатно – со редовен секс.
Вагинални проблеми и интимна грижа за жени над 50-та година
Кога жената ќе навлезе во 50-тата година се забележуваат најголемите промени во интимната област. Ткивото на вагината станува потенко и ја губи еластичноста. Тоа значително може да го влоши сексуалниот живот на жената. Се појавува чувство на силна вагинална сувост и потреба да се уринира за време на сексуалниот однос.
Во таква состојба жената треба веднаш да се консултира со гинеколог, да спроведе испитувања и да спроведе лекување за ослободување од симптомите. Поради недостатокот или многу ниското ниво на естроген, ризикот од вагинални инфекции се зголемува. Причината е што се зголемува киселоста на медиумот. Сите овие проблеми се решаваат со редовна посета на гинеколог и испитувања.
