Различните навики се одлика на однесувањето, кои често се повторуваат, било да се работи за чувства, некои работи или мисли. Еднаш кога ќе се формира навика, повеќе не е потребна намера или волја да ја правиме. Навиките се усвојуваат на ист начин. На почеток сите имаме склоност и намера да правите одредени работи, а откако ќе ги повториме повеќе пати, тие се стабилизираат и со време стануваат автоматски.
Кога еднаш ќе формираме навика, повеќе не размислуваме за тоа свесно. Почетното поттикнување автоматски ќе го покрене наученото однесување. Не е потребно внимание, не е потребно размислуваење, само треба да се препушти на навикнатото однесување.
Поголемиот дел од животот е вообичаен. Најчесто работиме исти работи денес, кои веќе сме ги правеле вчера или ќе ги правиме утре. На пример, веројатно секој ден ќе одите по ист пат до работа иако постојат и други патишта по кои може да одите.
Секако, не се создаваат навики само така. Навики може да се формираат и така да свесно ќе избереме некоја навика. На пример, ако имаме навика за гледање телевизија додека јадеме која несвесно сме ја создале, свесно можеме да создадеме навика и на гледање и размислување за храната која ја јадеме, наместо телевизија.
Ако интелегентно избереме добри навики, нема да ги доживеаме како окови, туку ќе ни помогнат да имаме поквалитетен живот. За нешто да усвоиме како навика, потребно е да се повторува 21 ден. Тоа може да биде здрава исхрана, вежбање и слично.
За да исфрлиме некоја лоша навика, мора свесно да создаваме нова навика. На пример, ако не појадуваме наутро, тоа е веројатно несвесна навика, а да ја решите мора свесно да го планирате појадокот наутро. За навиката да се одржи, не смеете да се лажете, односно не смеете да го прескокнувате појадокот, под изговор дека не сте имале време за тоа.
