Брадавиците се мали, предизвикани од вируси и можат да се забележат со голо око на отворот на вагината или на пенисот кај мажите. Понекогаш чешаат и главно не се разликуваат од брадавиците на другите делови на телото. Брадавиците на гениталиите може да се прошират преку допир, но најчесто се пренесуваат преку сексуалниот партнер. Предизвикани се од Хуман папилома вирус или ХПВ.
-
Брадавиците лесно се шират во влажни услови и се почести кај нарушувања кои вклучуваат зголемен вагинален исцедок од вагината. Тие, исто така, можат да се развијат за време на бременоста кога вагината е природно повлажна.
Во ретки случаи, брадавиците кои долго време биле занемарувани може да станат малигни. Затоа, одете на лекар ако мислите дека имате брадавици на гениталиите. Тој ќе ве прегледа и ќе го потврди или исклучи вашето сомневање и ќе утврди дали брадавиците се можеби последица на некоја друга вагинална инфекција. Во тој случај, брадавиците ќе исчезнат откако инфекцијата ќе се излечи.
Лекување
Лекарот ќе ги премачка малите брадавици со специјално средство против брадавици. Средството често предизвикува болка, па затоа ќе треба темелно да го исплакнете после осум часа. Третманот можеби ќе треба да се повтори по неколку недели. Ако се покаже неуспешно, или ако брадавиците се големи или недостапни, тие ќе бидат отстранети во болница, под општа анестезија. Ако вашиот сексуален партнер, исто така, има брадавици, ќе мора и тој да се лекува за да не ве инфицира повторно.
