Растењето во помалку имотно семејство може негативно да влијае на мозокот, покажало истражување за влијанието на социоекономскиот статус за развој на луѓето.
Американски научници откриле дека деловите на мозокот одговорни за учење, говор и емоционален развој, се посложени кај луѓето чии родители имале повисок степен на образовние, или работеле интелектуална работа, за разлика од останатите.
Податоци добиени со скенирање на мозокот, на стотина млади луѓе покажале дека таквите последици се стабилни во периодот на детството и адолесценцијата, соопштил Националниот институт за ментално здравје.
На раниот развој на мозокот влијаат искуствата на детето и окружувањето во кое живее, а овие два фактори варираат зависно од социоекономскиот статус, рекла водичот на истражувањето Кесиди Мекдермот.
„Социоекономскиот статус може да влијае на процесот на созревање, менување на структуралниот развој на мозокот, особено во деловите поврзани со говорот и учењето„, изјавила Мекдермот.
За потребите на студијата, објавена во списанието Journal of neuroscience, истражувачите направиле 1.243 скенирања на мозок, на повеќе од 620 лица меѓу 5 и 25 години.
