Една од најчестите методи на варење ориз може да предизвика многу здравствени проблеми, вклучувајќи и болести на срцето, дијабетес и рак, предупредуваат научниците.
Судејќи според неодамнешните истражувања, овој метод на варење може да биде недоволен за отстранување на арсенот од оризот.
Поради користење на индустриски токсини и пестициди, кои се ноаѓаат во земјиштето, арсенот навлегува во оризот, а оваа хемикалија е поврзана со низа здравствени проблеми, вклучувајќи ги болестите на срцето, дијабетес и рак, како и проблеми во развојот.
Најсигурен начин за варење на ориз е да го оставите да накисне во вода преку ноќ, а следниот ден убаво да се исплакне во повеќе води, с се додека водата не биде проѕирна.
Присуството на арсен во оризот го докажал Енди Мехарг, професор по биолошки науки на Квинс универзитетот во Белфаст кој тестирал три начини на варење ориз.
Во првата постапка, професорот Мехарг, оризот го варел на вообичаениот начин. На една чаша ориз додадал две чаши вода, а водата испарила во текот на варењето. Тогаш заклучил дека нивото на арсен останало исто. При вториот начин на подготовка, тој на една чаша ориз ставил пет чаши вода. Вишокот вода по варењето го исфрлил и се покажало дека нивото на арсен се намалило за половина. Третатата метода се состоела во тоа што го оставил оризот во вода преку ноќ, новото на отровни материи бил намален за 80 отсто.
