Одењето, иако делува едноставно, всушност е комплексен циклус на движења. Едната нога постојано е во контакт со подлогата и ја носи целата тежина на телото. Другата е или делумно на подлогaта како кај постојаното лесно одење или потполно подигната како кај трчањето. Сите сили кои настануваат во допирот на стапалата со подлогата, пrеку зглобовите, колената, колковите поминуваат низ карлицата до главата. Стапалата со одредени деформитети и болки можат да резултираат со патолошки образец на движењето што неповолно ќе влијае на зглобовите на нозете и карлицата.
Здравото стапало има три свода (лака), два надолжни и еден попречен свод. Анатомски правилно поставените сводови се основа на здравото движење кое може да влијае на целото тело.
Иако во однос на остатокот од телото стапалата се релативно мали, во нив има преку 50 коски, што всушност е ¼ од сите коски во телото, 60 зглоба и 200 мускули, лигаменти и тетиви кои ги држат заедно и ги придвижуваат.
Проблемите со стапалата мора да се третираат. Болните стапала ќе ви го отежнат движењето заради што ќе ги намалите физичките активности. Многу болести на срцето и некои облици на карциноми се директно поврзани со седечкиот начин на живот. Спуштените лакови на стапалата доведуваат до неправилно пренесување на силата низ телото што доведува до болни колена, колкови и грб. Понекогаш болниот грб успешно се лекува со корекција и зајакнување на стапалата.
