Некои од најчестите причини за стрес се партнерските односи, проблемите од финансиска природа или проблеми на работното место. Притисокот во работното опкружување сепак, во некои случаи може да биде и корисно и помага да дадеме се од себе. Но, тој притисок престанува да има било каков позитивен ефект кога ќе се достигне одредено ниво и кога ќе прерасне во стрес, што се случува тогаш кога ментално не можеме да се носиме со барањата кои пред нас се поставуваат, па телото почнува да реагира.
Стресот, велат лекарите е “начин на кој телото реагира на надворешниот притисок што го доживуваме како оптоварување и кој ни е непријатен“.
СИМПТОМИ НА СТРЕС
ЕМОЦИОНАЛНИ
- Чувствувате како да сте преплавени со непријатност
- Лесно избувнувате и претерано реагирате на ситници
- Анксизони сте или преплашени
- Немате самодоверба
МЕНТАЛНИ
- Мислите ви летаат
- Постојано сте загрижени
- Тешко одржувате концентрација
- Тешко донесувате одлуки за било што
ФИЗИЧКИ
- Главоболка
- Напнатост и болки во мускулите
- Вртоглавици
- Проблеми со спиењето
- Намален/зголемен апетит
- Постојан замор
Не може во целост да се живее без стрес, темпото на современиот живот едноставно тоа не го дозволува. Но, постои начин полесно да се носиме со стресот. Обидете се со вежби за дишење, разговор со блиски пријатели или членови на семејството кои може да ви помогнат да проблемите ги погледнете од друга перспектива. Посветете си себе си малку време, испланирајте ја неделата однапред, за да во распоредот додадете нешто што ве прави среќни и ве опушта. Посветете се на некое хоби и период од денот кога ништо нема да работите без грижа на совест. Редовно вежбајте, хранете се здраво и спијте доволно. Ако овие совети за самопомош не функционираат, побарајте стручна помош.
