Летањето со авион претставува вистинско доживување, а станува збор за состојба која е целосно поинаква од онаа кога лицето е на земја. Имено, органите чувствуваат голема разлика и во телото се случуваат големи промени.
Причина за овие промени во организмот е атмосферскиот притисок. Како авионот се искачува на поголема висина, така атмосферскиот притисок опаѓа, што во голема мера влијае на промените во телото.
Авионите најчесто се движат на висина од 10 – 12 километри, а за луѓето да ја преживеат оваа висина, внатре во авионот се регулира притисокот, со пуштање на кислород. На овој начин се симулира окржувањето кое овозможува чувство како да сте на висина од два километри. На висината на која лета авионот, може да дојде до одредени симптоми кои телото ги чувствува. Крвта апсорбира помалку кислород, па доаѓа до поспаност или главоболка.
Влажноста на воздухот на овие висини е многу ниска, па затоа е можна појава на блага дехидрација, како и посвуа кожа. Во комбинација со високиот притисок може да дојде и до одредени влијанија на чувството за вкус. Може да се јават и болки во стомакот и надуеност, бидејќи како авионот ја достигнува висината, така гасовите во цревата се шират а притисокот паѓа. Стручњаците советуваат протегнување одвреме навреме додека трае летот, како и консумација на вода за да се избегне дехидрација. До себе имајте хидратантна крема за да спречите кожата да ви стане сува, а усните испукани.
