Одењето во теретана е секогаш добра идеја, но доколку вежбате под надзор на стручњак кој е запознаен со вашата здравствена состојба и знае дали имате некои хронични проблеми.
Вежбањето го троши организмот и неопходно е да вежбате умерено и да правите паузи. Напорните вежби го зголемуваат ризикот од срцеви удари и застој во работата на срцето. Пред да се впуштите во авантура наречена теретана информирајте се за стручноста на персоналот и известете го тренерот за вашата здравствена состојба затоа што само така ќе можете да вежбате безбедно.
Иако со редовното вежбање ги зајакнувате мускулите, а со тоа и срцето вежбањето не е безопасно. Неопходно е на телото да му обезбедите одмор, а паузите се обавезни во следните ситуации:
- ако почувствувате слабост во мускулите и телото;
- ако забележите вртоглавица или непријатно чувство во главата;
- забележите отекување на некој дел од телото;
- почувствувате притисок во градите, вратот, рацете, вилицата или рамената;
- ако почувствувате дека нешто не е во ред со вашиот организам.
Избегнувајте екстремно топли или ладни тушеви после вежбање затоа што така само го оптоварувате срцето. Доколку правите пауза во вежбањето на неколку дена, откако ќе се вратите почнете со лесни вежби. На тренинг не одете ако имате температура, а веднаш прекинете ако срцето ви чука поинаку.
Ако доаѓате тешко до здив и брзо се заморувате дефинитивно ви треба побавно темпо. Доколку забележите дека некој од наведените симптоми се повторува, обавезно појдете на лекар и со него посоветувајте се околу начинот на вежбање, кој треба да е во склад со вашата здравствена состојба.
