Истражување спроведено во САД во кое биле вклучени 129.000 постменопаузални жени кои претходно немале проблеми со срцето, открило дека оние кои имале забрзано отчукување на срцето имале и поголеми шанси да добијат срцев удар, за разлика од оние кај кои пулсот бил побавен.
Жените кои имаат отчукувања повисоки од 76 во минута се со поголема веројатност да доживеат срцев удар
Научниците седум години следеле жени на возраст над 50 години и заклучиле дека 2.281 жени имале срцев удар со или без смртни последици, а 1.877 жени имале мозочен удар.
Жените кои имаат повеќе од 76 отчукувања во минута имаат 1,6 пати поголеми шанси да се најдат во горните групи и да доживеат удар, за разлика од жените со помал пулс, особено оние кои имаат помалку од 62 отчукувања во минута.
Истражувањето покажало и дека ризикот од срцев удар е поголем кај жените во постменопауза. Сепак, лекарите нагласуваат дека постојат и други ризик фактори кои не смеат да се заборават. Тоа пред се е прекумерната тежина, зголемениот крвен притисок, високиот холестерол и внесот на масти во телото. Тоа се првите симптоми на речиси сите од испитаните жени кои имале најголеми шанси да добијат срцев удар. Дополнително за жените во менопауза ризично е и доколку се соочуваат со дијабетес, депресија или ако се пушачи.
