Но, се чини дека ветерот, сонцето, дождот или ниските температури не влијаат само на промената на расположението, туку и на појавата на болки и проблеми со спиењето. Ако и само понекогаш го обвините времето за ваште проблеми, а некој ќе ви рече дека е тоа “само во вашата глава“, можете да одговорите дека биопрогнозата и влијанието на здравјето се познати од времето на Хипократ кој и самиот предупредувал на влијанието на временски (не) прилики на човековото здравје.
Лекарите по семејна медицина или матичните лекати истакнуваат дека истражувањата во последните 30 години во светот покажуваат дека постои поврзаност на влијанието на времето на болестите, како и влијание на времето на зголемување на посетите во ординациите за семејна медицина и на појавувањето на симптоми поврзани со биопрогнозата. Лекарите признаваат дека и тие се дел од групата на оние кои бурно реагираат на промената на времето најчесто со главоболка, несоница за време на полна месечина, промена на крвниот притисок и слично. Оваа група се смета за метеосензибилни лица бидејќи имаат намалена способност на прилагодување на атмосферските промени и несоодветна адаптациска реакција.
Сето ова може да доведе до влошување на основната болест, појава на компликации од болеста, па дури и до смртен исход. Најчесто станува збор за пациенти на возраст од 50 до 60 години, при што жените од сите возрасти почесто се јавуваат симптоми поврзани со временските услови, како што се главоболки, раздразливост, лошо расположение, нарушување на спиењето, нарушувања на болката поради претходни повреди, влошување на хроничните циркулаторни и респираторни болести како астма или акутни респираторни заразни болести.
“Прашањето е како ние во иднина ќе одговориме на овие предизвици, ќе го намалиме влијанието на временските услови и (не)услови врз нашето здравје, ќе си го олесниме секојдневното функционирање, па дури и на опстанокот на човештвото во краен случај“, објаснува д-р Ивана Прпиќ-Знидарчиќ, специјалист по семејна медицина.
Зошто страда нашата психа?
Дождливите и облачни денови често се поврзуваат со чувствата на осаменост и тага и недостаток на волја за извршување на секојдневните задачи, но и работи во кои вообичаено уживаме, како на пример средба со пријателите. Имено, истражувањата покажуваат дека токму изложувањето на сонце има најголема поврзаност со нашето расположение.
“Една од главните причини за ова влијание лежи во нашата физиологија, поточно хормоните. За време на дождливите и облачни денови доаѓа до пад и во нивото на серотонин. Серотонинот е хормон кој, меѓу другото, го регулира и расположението. Кога е во рамнотежа, дава чувство на задоволство – се чувствуваме пофокусирани, посреќни и посмирени. Од друга страна, ниското ниво на серотонин е поврзано со анксиозност, депресија и нарушувања на спиењето. Значи, ограниченото изложување на сончева светлина доведува до пад на нивото на серотонин, а како последица на тоа доаѓа до пад на расположението. Тоа не значи дека, како што популарно се вели, ќе паднете во депресија, но поголема е веројатноста за раздразливост, фрустрација и пад на задоволството или самодовербата“, објаснуваат психолозите.
