Често се поставува прашањето како изгледа магнетната резонанца на мозокот или МР на глава, но со оваа дијагностичка метода може да се прегледа секој орган. Прегледот, односно магнетната резонанца ја спроведуваат специјалисти со цел добивање на подобар увид во состојбата на организмот.
Магнетната резонанца за преглед користи силно магнетно поле кое делува на клетките на ткивото или протоните, сложувајќи ги во ред. Радиофреквентниот бран од уредот пренесува енергија на протоните и ги поместува од рамнотежа. Тогаш се создава бран, а кога ќе престане дејството на тој бран, протоните се враќаат во рамнотежа и го ослободуваат вишокот енергија во околината. Оваа енергија тогаш ја препознава магнетна резонанца и компјутерот добива слика.
- Како изгледа магнетната резонанца?
МР уредот за дијагностика може да биде во различни форми, но во земјава најчесто се користат оние со куќиште во форма на тунел. Уредот изгледа како голем тунел во чиј централен дел лежи пациентот. Лицето со автоматизирана маса се внесува во “тунелот“ на магнетната. Во некои случаи, само делот од телото што треба да се анализира се постава во уредот.
Засега не се познати случаи на опасност од магнетна резонанца по здравјето на луѓето, но со оглед дека се работи за магнет, потребно е пред користењето да се преземат мерки на претпазливост. Подготовката за магнетна резонанца не бара посебни процедури. Пред прегледот, бидејќи се влегува во подрачје на делување на силно магнетно поле, потребно е да се отстранат сите метални предмети од телото – накит, картички, мобилен телефон, протези и слично. Треба да се обрне внимание и на облеката и обувките кои може да содржат метални делови како градници или друга долна облека.
Лицата кои имаат вградени уреди треба тоа пред прегледот да му напоменат на лекарот и персоналот на радиологија. Ова се однесува на предмети како пејсмејкери, вештачка кохлеа, невростимулатори, вештачки зглобови, стентови и слично. Информирањето на медицинскиот персонал е важно бидејќи некои предмети како зглобни протези не се контраиндикација во некои случаи.
Храна и пијалак пред магнетна резонанца може нормално да се консумира, освен ако лекарот не ве советува поинаку. Истото важи и за лекови.
За време на прегледот со магнетна резонанца, пациентот треба да лежи мирно на масата додека не заврши прегледот. Времетраењето на магнетната резонанца зависи од тоа кој дел од телото се прегледува, а МР снимањето се состои од неколку пократки повторувања. За време на прегледот се создава гласна бучава, па пациентот може да добие слушалки или чепчиња за уши.
Работна станица со компјутер на кој се прикажуваат резултатите и од каде се управува прегледот се наоѓа во друга просторија. Персоналот на радиологија обично има јасен преглед на состојбата на пациентот во уредот, низ стаклен прозорец.
КОГА Е ПОТРЕБНО ДА СЕ ПРАВИ МАГНЕТНА РЕЗОНАНЦА?
Магнетната резонанца овозможува увид во здравствената состојба на органите, утврдување на болести или следење на ефектите од лекувањето. Преку оваа дијагностика може да се прегледаат сите телесни структури, односно сите органи. Обично се користи кога ултразвучните и рендгенски прегледи и компјутерската томографија (КТ) не се доволни за дијагностика.
Се бара и за да се прегледаат мозокот, хипофизата, ‘рбетот на различни делови и зглобовите. Магнетната резонанца не користи јонизирачка енергија за добивање на дијагностички слики, така што може да се користи за сите делови од телото.
Кај прегледот со магнетна резонанца може да се користи контрастно средство кое се дава интравенски или во зглоб. Контрастното средство содржи гадолиниум и обично не предизвикува алергиска реакција кај пациентот. Целта на вбризгувањето контрастно средство е да се засили контрастот во прикажување на шупливите простори, шупливите органи и крвните садови и да се провери снабдувањето со крв на органите.
ДАЛИ ОВАА ДИЈАГНОСТИЧКА МЕТОДА Е ОПАСНА ПО ЗДРАВЈЕТО?
Според досегашните информации, магнетната резонанца не е опасна по здравјето. Овој вид на дијагностика не предизвикува болка освен ако не се вбризгува контрастно средство, што може да биде непријатно. Иако е мала, постои можност за појава на алергиска реакција по давањето контрастно средство.
Благи реакции може да бидат осип или уртикарија, мачнина, повраќање, бледило и потење. Може да се јави и треска, болка во стомакот, главоболка и повраќање. Тешки реакции на контрастното средство за магнетната резонанца се анафилактичен шок, срцев застој, инфаркт, губење на свеста и појава на белодробен едем.
Опасности од магнетната резонанца не се познати, но исто така може да се појават одредени несакани реакции од прегледот. Посебно внимание им се придава на пациентите кои се плашат од прегледот и имаат клаустрофобија или страв од затворен простор. Кај таквите пациенти, но и други, може да појаваат овие нуспојави:
- Вртоглавица
- Болка во главата
- Зашеметеност
- Мачнина и повраќање
