Хирурзи од Велика Британија успешно оперирале кичма на две неродени бебиња, и тоа неколку недели пред терминот кога воопшто требало да дојдат на овој свет. Оваа операција е прва од ваков вид во Британија и е извршена од тим составен од 30 доктори во Лондон.
Бебињата пателе од „спина бифида“ состојба во која кичмата не се развива како што треба и има дупка.
Обично таа се лекува по раѓањето, но за долгорочно здравје и подвижност на личноста која пати од оваа состојба подобро е со лекувањето да се почне што е можно поскоро.
За време на операцијата која траела 90 минути, лекарите ја отвориле матката и ја „зашиле“ дупката во кичмата на бебињата.
Инаку, самата постапка е мошне ризична и може да доведе до прерано породување, па затоа сега се работи на откривање нови методи за лекување на оваа состојба.
„Мајките добиваат терапија која им помага да се опуштат, но ризикот и натаму постои“, рекла доктор Ен Дејвид, која три години се подготвувала за оваа операција во Британија.
Инаку, мајките од Британија порано морале да патуваат во САД, Белгија или Швајцарија за оваа операција.
Еве како всушност изгледа самиот зафат:
