Многу луѓе мака мачат со ладни прсти на рацете и на нозете, а оваа појава е честа особено кај жените и најчесто не мора да значи ништо опасно. Сепак, тоа може да биде и знак за сериозни здравствени проблеми
Рајнаудов синдром
Стеснувањето на крвните садови во прстите како одговор на студенилото или емотивниот стрес. Поради тоа доаѓа до изразено чувство на студеност во прстите кои понекогаш може и да помодрат. Не предизвикува поголеми здравствени проблеми, меѓутоа, ако е дијагностициран овој синдром, посовестувајте се со имунолог, бидејќи оваа болест може да биде показател на некои автоимуни болести.
Дијабетес
Ако покрај ладните раце, понекогаш во дланките и стапалата чувствувате и трнење – тоа може да бидат први знаци за дијабетес.
Штитна жлезда
Забавената функција на штитната жлезда доведува до забавување на метаболизмот, што понатаму може да доведе и до појава на ладни дланки и стапала.
Слабокрвност
Освен студени прсти, често сте заморени, имате главоболки и сте малаксани – во случај ова да ви се случува, време е да ја проверите крвната слика, бидејќи можеби ви недостасува железо.
Стрес
И стресот може да биде причина за ладни раце и нозе. Стресот го зголемува адреналинот, кој пак ги стеснува крвните садови и ја ослабува циркулацијата, па рацете и нозете се ладни.
