Да, сите ги имаме низ цела куќа, канцеларија, автомобил, чанта. Но, постои голема шанса рацете да ви се суви и испукани. Овие средства, за жал, освен што штитат од бактерии, може да остават и некои штетни последици на кожата. Стручњаците откриваат какви проблеми може да предизвикаат.
- СЕ ЗГОЛЕМУВА РИЗИКОТ ОД ЕГЗЕМА
Миењето раце со сапун и вода е она што, сите стручњаци, советуваат да го правиме често, од кога трае пандемијата. Ако водата не е достапна, тогаш треба да се користат дезинфекциски гелови или течности кои содржат најмалку 60% алкохол.
Да се следат овие совети е исклучително важно, но исто така претераното користење на било кое средство може да предизвика дерматитис или егзема. Може да се забележи според црвенилото, сувата кожа, испуканата кожа, па дури и по пликовите (меурчињата),објаснува д-р Керолин Норис, дерматолог.
Стручњаците напоменуваат дека е важно да не се претерува со користењето и да е мачкаат рацете со крема, по секоја употреба на средствата за дезинфекција.
- МОЖЕ ДА ПРЕДИЗВИКААТ ОТПОРНОСТ НА АНТИБИОТИЦИ
“Изложувањето на триклосани може да ја зголеми можноста бактериите да развијат отпорност на антибиотици“, појаснува д-р Норис.
- МОЖЕ ДА ПРЕДИЗВИКА ПРОБЛЕМИ СО ХОРМОНИТЕ
“Според пишувањата на Агенцијата за храна и лекови на САД (ФДА), триклосанот во средствата за дезинфекција може да предизвикаат и проблеми со хормоните. Токму тоа предизвикува навикнување на бактериите на својствата на антибиотиците, што создава отпорност на нив„, додава д-р Нирис.
- НЕКОИ ВЛИЈААТ НА ИМУНИОТ СИСТЕМ
“Триклосанот може да го ослаби и функционирањето на имунитетот, а од таа причина луѓето и многу се подложни на алергии“, појаснува д-р Норис.
- НЕКОИ КОМПОНЕНТИ МОЖЕ ДА ВЛИЈААТ НА ЗАБАВЕН РАЗВОЈ
“Средствата за дезинфекција можат да имаат и мириси и да бидат полни со штетни хемикалии како што се парабени и фталати – кои ги попречуваат ендокрините жлезди во работата и така можат да предизвикаат проблеми со репродукцијата и развојот. Парабените се хемикалии кои негативно влијаат на функцијата на хормоните, плодноста и развојот”, посочува Д-р Норис.
- ПРОБЛЕМИ СО КОЖАТА
“Прекумерната употреба на производи што содржат алкохол, исто така, може да предизвика инфекциски процеси на кожата, бидејќи ќе ги отстраните оние добри бактерии од кожата, што воопшто не е добро“, додава Норис.
- МОЖЕ ДА ВОДАТ ДО ТРУЕЊЕ СО АЛКОХОЛ
Бидејќи многу производи за оваа намена содржат високо ниво на алкохол, лекарите велат дека може да дојде и до труење, а д-р Норис напоменува дека на глобално ниво, многу млади луѓе се хоспитализирани поради консумирање на средства за дезинфекција, што предизвикало труење со алкохол.
