Аутизмот е пореметување на мозокот кој влијае на комуникацијата и поврзувањето на поединецот со околината. Првите знаци за оваа состојба се јавуваат во раното детство. Симптомите можат да бидат благи, понекогаш и незабележителни и можат многу да варираат. Експертите тврдат дека аутизмот се појавува во првите три години од животот. Оваа состојба е резултат на невролошко нарушување кое има влијание врз нормалните мозочни функции и врз комуникациските и социјалните способности.
Лицата со аутизам имаат проблеми со невербалната комуникација и проблеми со социјалната интеракција и активностите кои вклучуваат елементи на игра.
Така, некои деца имаат страв од разговор со другите луѓе од околината, а некои покажуваат извонредни способности во определени области. Аутизмот се јавува кај едно од 88 деца и тоа дури пет пати почесто кај момчињата отколку кај девојчињата.
Научниците се уште не знаат која е вистинската причина за појавата на аутизмот, но постојат некои докази дека гените играат клучна улога. Докажано е дека родителите кои имаат едно дете кое страда од аутизам имаат дури 19 % поголема веројатност и следното дете да им страда од истата болест, а ризикот пропорционално расте со секое следно.
СИМПТОМИ
Пред детето да наполни три години, обрнете внимание на симптомите на аутизмот. Некои деца нормално се развиваат до периодот од 18 до 24 месеци, а потоа престануваат да се развиваат или потполно губат некои од стекнатите вештини. Симптомите можат да бидат:
- Повторување на движењата (тропање);
- Избегнување контакт со очите и физички контакт;
- Необјаснето спор напредок во учењето;
- Повторување некои зборови или фрази;
- Вознемиреност поради мали и безначајни промени;
Но треба да се напомене, дека ваквото однесување може да се јави и кај дете кое не страда од аутизам.
РАНИ ЗНАЦИ НА АУТИЗАМ
Прва година
Децата во оваа доба знаат да бидат исклучително социјални, па затоа уште тогаш е можно да се препознаат знаците на аутизмот и тоа од интеркацијата со околината. Во оваа возраст, можните симпоми на аутизам вклучуваат:
- отсуство на реакција на мајчинот глас;
- детето не се одзива на сопственото име;
- избегнување на контакт очи со очи;
- отсуство на знаци на говор (мумлање);
- детето не се смее;
- остуство на реакција на социјални дразби.
Бебињата кои ги покажуваат овие симптоми, не мора да значи дека нужно покажуваат знаци на аутизам, но ако забележите некои од овие знаци, најдобро е да се советувате со лекар.
Втора година
Симптомите на аутизам многу полесно можат да се забележат во втората година. Поголем дел од децата тогаш почуваат да ги изговараат првите зборови (кои не мора нужно да бидат правилно изговорени) и покажуваат со прстот на работите кои го привлекуваат нивното внимание.
Симптоми на аутизам во овој период можат да бидат:
- ниту еден изговорен збор на возраст од 16 месеци и повеќе;
- отсуство на заинтересираност за игра на возраст од 18 месеци и повеќе;
- ниту една изговорена реченица која содржи најмалку два збора на возраст од 2 години и повеќе;
- остуство на вештина за говор;
- остуство на интерес за вклучување во игра.
Останати симптоми – Децата кои страдаат од аутизам понекогаш покажуваат и физички симптоми, вклучувајки ги тука и проблемите со празнењето (запек и диареја) или проблемите со спиењето. Детето кое страда од аутизам, може да има и лоша координација на телото, која може да се забележи во секојдневните активности (трчање, качување итн).
