Силна и нагла болка во бубрезите и запушување на уринарниот тракт се најкарактеристичните симптоми на појава на бубрежни камења. Станува збор за едно од најболните пореметувања и едно од најчестите нарушувања на уринарниот тракт.
Бубрежните камења е се формираат од кристали кои се таложат од урината и се таложат на внатрешната површина на бубрезите. Може да се појават и во двата бубрега, а почесто се појавува кај мажите отколку кај жените.
Симптоми на камења во бубрезите
Пореметувањето и појавата на камења во бубрезите лесно се препознаваат.
До оваа состојба доаѓа поради нарушување на хемиските супстанции кои се наоѓаат во урината. Тие се одговорни за создавање или кочење на формирањето на кристали кои кај некои луѓе се претвораат во камења. Камењата во бубрезите можат да содржат различни комбинации на хемиски супстанци, а најчести се калциум и фосфор.
Кристалите можат да бидат ситни и сами да минуваат низ уринарниот тракт, но претставуваат проблем кога се премногу големи за да излезат преку урината. Формите на бубрежните камења може да бидат мали зрна како песок до поголеми како камчиња или топчиња. Поголемите камења слични на топчиња, за среќа, се ретки.
Затоа, првиот симптом е токму исклучително силна болка во бубрезите која се јавува кога каменот ќе почне да се движи во уринарниот тракт. Камењата во бубрезите болат затоа што предизвикуваат иритација или запушување.
Ова се најчестите симптоми на бубрежни камења:
- Остра, грчевита болка во грбот
- Болка во колковите
- Болка на подрачјето на бубрегот
- Болка во долниот дел од стомакот
- Мачнина, повраќање
- Ширење на болката во препоните
- Крв во урината
- Зачестена потреба за мокрење
- Чувство на печење при мокрење
- Покачена телесна температура ако дојде до инфекција
Болките кај бубрежните каменчиња може да се почувствува на различни делови од телото. Некои пациенти можат да ги почувствуваат во пределот на грбот, а некои во подрачјето на стомакот. Каде и да се појават, тие се интензивни и тапи и повеќето пациенти тешко ги поднесуваат. Ако заедно со болката при камења во бубрезите дојде до покачена телесна температура или повраќање, важно е да се јавите на лекар што е можно поскоро. Овие симптоми укажуваат на инфекција, што може да биде опасно.
Многу болни се жалат на засилена болка во текот на ноќта. Причината за тоа веројатно е таложењето на камењата по последното мокрење пред спиење. Општо, помалку уринираме ноќе, што значи дека уретрата останува запушена или воспалена подолго навечер отколку во текот на денот.
Некои симптоми на камења во бубрезите може да се помешаат со други потешкотии, особено ако камењата се помали. Неретко погрешно се претпоставува дека станува збор за слепо црево, гастритис, проблеми со јајчниците/тестисите или воспаление на мочниот меур.
