Мозочниот удар може да биде прв симптом на КОВИД-19 кај млади пациенти, покажува ново канадско истражување. Според оваа студија, мозочниот удар релативно често се јавува меѓу пациентите со коронавирус и има тенденција на разорни последици и се проценува дека речиси секој петти пациент примен во болница со КОВИД-19 доживува мозочен удар.
Студијата објавена завчера во списанието Neurology, медицинско списание на Американската академија за неворологија открила дека стапката на смртност кај пациентите со КОВИД-19 кои имаат и мозочен удар е “исклучително висока“.
Истражувачите откриле дека околу 1,8% од пациентите со КОВИД-19 доживуваат мозочен удар или кога ќе се примат во болница или непосредно пред тоа.
“Тоа е цифра која можеби се чини мала, но се претвора во голем број случаи, со оглед на тоа дека милиони луѓе ширум светот се хоспитализирани со таа болест“, објаснува еден од авторите на студијата, проф. Лучијано Спозато, невролог на Универзитетот во Онтарио.
“Тоа е всушност многу голем број. За споредба, само 02% од пациентите со грип примени во болница доживуваат мозочен удар, додека 0,75% од пациентите кои се хоспитализирани со SARS-CoV-1 вирусот кој предизвикува САРС, имле мозочен удар“,додава проф. Спозато.
Истражувачите откриле и дека кај приближно половина од пациентите помлади од 50 години, мозочниот удар им бил прв симптом на КОВИД-19.
“Тоа значи дека дека биле целосно асимптоматски случаи, пред да бидат примени“, додава неврологот.
Истражувањето открило и дека 35 до 45 проценти од пациентите со КОВИД-19 со мозочен удар починале за време на престојот во болница.
Истражувачкиот тим анализирал 125 случаи, како и 35 дополнителни необјавени случаи. Меѓу пациентите во студијата, сите имале еден ризик фактор, како дебелина, хипертензија или дијабетес, а 97 процнети имале тешка форма на КОВИД-19.
