Околу 75 проценти од жените барем еднаш во животот заболуваат од габични инфекции, па речиси секоја одлично ги знае непријатните симптоми како што се чешање, пецкање и засилен секрет од вагината кои ја следат, а знае и колку е тешко да се отстранат. А сега тоа, за жал, станува се потешко затоа што се развила отпорност на лекови против габички кои едноставно повеќе не делуваат.
Габичните инфекции главно се лекуваат со антимикотици, но се оглед на тоа дека се користат пречесто и главно неправилно, габичките се привикнати на нив и станаа отпорни, тврдат научниците кои оваа застрашувачка вест ја објавиле во магазинот „Science“. Според нив, светот е во вистинска опасност од разни габични болести кои го загрозуваат човековото здравје, додека лековите престануваат да делуваат.
Што ова значи во праксата?
Замислете дека сте ги почувствувале првите симптоми на габична инфекција и веднаш сте пошле на лекар или до аптека по вообичаената терапија во облик на крема или вагиналети. Но место после примената на лекот симптомите да се повлечат, не се случува ништо затоа што габичките развиле отпорност. Преостанува ли некој поинаков и појак лек или алтернативна терапија како што е испирање со блага смеса на борна киселина, но прашањето е дали и тоа ќе делува.
Значи, дали сте осудени на живот со трајна инфекција? Но засега состојбата не е баш толку алармантна и најверојатно успешно ќе го решите проблемот со здодевната болест.
На што треба да се внимава за лекувањето да биде успешно? Земете ја цела доза од пропишаниот лек – да, дури и ако ви се чини дека сосема сте здрави – и секогаш следете ги упатствата.
Проблем најчесто се јавува кога инфекцијата не се лекува темелно и до крај. Ако сепак не дојде до подобрување, лекарот со дополнителни тестови ќе утврди дали можеби се работи за бактериска вагиноза или трихомоназа, кои бараат поинакво лекување. Исто така, лековите употребувајте ги само кога навистина е потребно. Жените кои еднаш имале габична инфекција обично знаат да ги препознаат првите симптоми, знаци, и во тој случај не е лошо веднаш да се почне со терапија. Но не реагирајте веднаш штом ќе забележите малку посилен секрет, туку тогаш кога ќе бидете сигурни дека е во прашање инфекцџија; секој лек ја нарушува природната рамнотежа на флората во вагината, па подобро е да се избегне ако баш и не е нужен.
Ако габичната инфекција се јавува два или три пати годишно, тоа, веројатно, значи дека никогаш не сте се излекувале до крај и дека морате подолго да земате лек, па околу тоа посоветувајте се со гинеколог.
