Истражување на Британското здружение на физиотерапевти тврди дека за голем број на болки во колената одговорна е работата на компјутер.
Ова истражување, врз основа на статистички примери, покажало дека повеќе од четвртина од вработените лица страдаат од болки во колената.
Лицата кои работат во канцеларија имаат обичај да прекрстат нозе, или да ги држат во незгодна положба, што на долги стази доведува до појава на болки
„Се поголем е бројот на лица кои се жалат од болки во колената. Станува збор, пред се, за луѓе кои извршуваат канцелариска работа“, вели Сами Марго, портпарол на Здружението на физиотерапевти, додавајќи дека во текот на својата 26-годишна работа забележал дека појавата на интернетот, значително придонела за овој феномен.
Решение? Кога и да сте во можност, станете, истегнете се, направете неколку лесни вежби за размрдување или ако тоа е можно, прошетајте неколку чекори. Покрај претераното седење и непријатната положба на нозете, уште една причина за болка во коленото е и прекумерната телесна тежина. Вишокот килограми врши постојан притисок на зглобовите. Иако болката во колената не може да ве убие, британските стручњаци предупредуваат дека оваа состојба може сериозно да го загрози квалитетот на живеење.
