ППостојат неколку едноставни правила на однесување во канцеларија со кои се сретнуваме уште на првиот ден на работа, но кога работите со колегите осум часа дневно во ограничен простор, соработувате на проекти каде тимската работа е многу важна компонента, секојдневно мора да работите на зајакнување на односите и подобрување на работната атмосфера. Овие пет чекори ќе ви помогнат во тоа.
-
Не учествувајте во озборувањата
Без разлика каде работите, секогаш ќе има различни (вистинити и лажни) коментари кои ќе циркулираат меѓу вработените. Веројатно, и вие некогаш ќе бидете предмет на истите. Најдоброто нешто што можете да го направите е да ги игнорирате – не коментирајте, не ги ширете понатаму. На крајот од денот ќе се чувствувате како вистински професионалец.
-
Понудете помош секогаш кога можете
Понекогаш само и прашањето „Дали си добар/а“ и тоа како може да ви помогне на работното место. Помош околу подготовка на говор, проект или едноставно носење тешки кутии – постојат повеќе начин да им помогнете на вашите колеги на работа. Секој ќе го препознае вашиот гест, а прашање на време е кога и вам ќе ви затреба помош со задачата околу проектот на кој работите.
-
Секогаш бидете фокусирани на она што го правите
Ако разговарате со вашите колеги, оставете го телефонот. Ако работите на компјутер, замолете ги колегите да дојдат подоцна за да може да им се посветите целосно. Немојте бледо да ги гледате вашите соговорници и само да кимнете со главата, бидејќи брзо станува очигледно дека не сте фокусирани на разговорот.
-
Бидете промената која сакате да ја видите
Бидете проактивни, инспиративни, мотивирачки. Особено во вашиот тим. Честитајте им на колегите по успешно завршениот проект.
-
Секогаш бидете љубезни кон вашите нови колеги
Дури и ако тие не се во вашиот тим, запознајте се со новите колеги – поканете ги на заеднички ручек или кафе. Прашање на време е кога ќе ви се вкрсат вашите работни задачи, поради што е исклучително важно да воспоставите контакт навреме и да ги избегнувате непријатните ситуации подоцна.
