Американскиот центар за контрола и превенција од болести (ЦДЦ) предупредува да се чувате од водата во базените затоа што би можеле да добиете дијареја. Со пливање, нуркање, веројатно, ќе проголтате одредено количество базенска вода, а стручњаците тврдат дека само една голтка е доволна да не излезете од тоалетот во следните три дена.
Своето предупредување ЦДД го објавил на службениот Твитер-профил.
Од Центарот предупредуваат дека капачите кои имале дијареја во изминатите две недели заразата можат да ја пренесат преку водата на здравите луѓе, така што ја загадуваат водата со бактерии од дебелото црево.
„Ситните честички фекалии се испираат од задникот на капачите додека пливаат во базенот. Затоа е важно да се воздржите од влегување во базен ако имате или неодамна сте имале дијареја. Обавезно истуширајте се пред влегување во вода и одбегнувајте да голтате макар и капки“, стои во соопштението.
Иако јавните базени имаат филтри и систем за дезинфекција, капачите сеедно се изложени на бактериите пред тие да бидат убиени од хлорот. За жал, бројни базенски комплекси користат само еден систем за филтрација која ги одржува сите базени, пишува во соопштението на центарот.
„Заради тоа водата од различните базени се меша и потенцијално ги шири бактериите во мошне кус период. Тоа значи дека само еден инцидент со капач кој пати од дигестивни тегоби може да ја загади водата на целиот комплекс“, предупредува Центарот.
