Личностите кои отворено искажуваат лутина и бес во расправиите се поздрави од оние кои го потиснуваат бесот и се повлекуваат од конфликтите, тврдат истражувачите од Универзитетот во Мичиген. Тие анализирале податоци од 2000 учесници во истражувањето, a кои имале меѓу 33 и 84 години.
Испитаниците кои чувствувале тензија и биле преплавени со негативни емоции кои ги задржувале во себе, појавувале симптоми на физички тегоби, од болки до сериозни заболувања. За разлика од нив, испитаниците кои, да речеме, се впуштале во расправа во текот на претпладнето, после пладне чувствувале апсолутен мир, без ниту еден вознемирувачки симптом.
Нивото на кортизол, хормонот на стрес кај нив бил низок во однос на испитаниците кои се чувале во себе.
Заради тоа ниту еден конфликт не треба да се гуши, туку со расправа да се дојде до решение, без оглед на тоа дали станува збор за несогласување на работа, дома… препорачуваат истражувачите.
