Седењето во траење од два часа може да ја поништи здравствената придобивка од 20-минутното вежбање. Постојаното седење во текот на денот целото вежбање практично може да го направи бескорисно.
Ова може да се однесува на оние кои поголемиот дел од текот на денот го поминуваат седејќи на работа или оние кои едноставно по навика цела ноќ преседуваат пред телевизор. Кардиолози од медицински центри во САД кои го истражувале ова прашање велат дека долготрајниот период на седење го намалува нивото на кардиореспираторната кондиција која се постигнува со редовно вежбање.
За секои шест часа невежбање потребен е еден час физичка активност да го компензира тоа.
Кардиолози од Мајо клиниката ги споредиле податоците добиени од 2 223 учесници и го поврзале односот помеѓу дневното седење, дневното вежбање и кондицијата. Под седење се подразбираат активности како што се гледањето ТВ или активности кои бараат ангажман, но се извршуваат седечки, како што е читање книга или возење автомобил. При седење се троши најмала количина на енергија, што единствено е корисно кога имунитетот е исцрпен. Сите учесници во истражувањето биле здрави лица на возраст меѓу 12 и 49 години кои немале астма, ниту срцеви или васкуларни заболувања. Со помош на посебен тест измерена е нивната физичка спремност – кондиција. Откако тоа било направено, истражувачите ги споредиле со податоците за нвината седечка/физичка активност во релативен однос кон годините, полот и индексот на телесна маса. На крајот кардиолозите заклучиле дека 6 часа седење дневно имаат исто влијание на кардиоваскуларното здравје, како еден час вежбање – но спротивен ефект. Со други зборови еден час постојано седење дневно го понишува целокупниот ефект на 20-минутното вежбање, што е отприлика четири километри трчање.
Еден од истражувачите на студијата препорачува дека за надминување на ваквата состојба сите кои работат седечка работа да прошетаат за време на паузата за ручек или кога можат за време на работењето.
Според д-р Жаклин Кулински, лидер на тимот истражувачи, кога мора лицето да седи долго време дури и мало движење е добро и придонесува за подобро здравје. Тоа, додава стручњакот, значи дека додека сте врзани за работата маса често менувајте ја положбата, станете и истегнете се. Додека разговарате на телефон, прошетајте, а ќе ви помогне и ако тапкате со нозете.
