Кашлицата не е болест, туку симптом на бројни болести и по правило е природен, заштитен рефлексен механизам на системот за дишење на бројни ризик фактори поради одржување на проодноста на дишните патишта и на нормалното дишење. Најчеста причина за појава на кашлица е акутна инфекција на дишните патишта, а најчести причинители се вируси кои траат од седум до 14 дена и главно не е потребна специфична терапија, освен симптоматска. Со оглед дека кашлицата е симптом на многубројни болести може да биде со различен интензитет, карактер и должина на траење. За правилно лекување на кашлицата најважно е да се одредни нејзиниот причинител, па затоа особено е важна добра анамнеза.

Видови кашлица

Кашлањето се разликува според должината на траењео и може да биде акутно, субакутно и хронично.

Акутната кашлица почнува нагло и трае помалку од три недели и може да е проследна со зголемена телесна температура. Најчест причинтел е вирусна нфкција проследена со кивавица, а најчувствителни се децата.

Субакутната кашлица трае од три до осум недели и вообичаено ја следат комплицирани инфекции на дишните патишта, додека хроничната кашлица трае подолго од осум недели.

Од хронична кашлица патат 10 % од возрасните лица, а може да биде предизвикана од многу фактори – ГЕРБ, пушење, алергија, астма или туберколоза. Најчесто причинител за овој тип кашлица е астмата, гастроезофагеален рефлукс (ГЕРБ) и хронично воспаление на синуси со постназален секрет.

Според квалитетот се разликуваат:

• сува и надразнета кашлица,
• кашлица со искашлување оскуден белузлав секрет и
• кашлица со искашлување обилен и густ секрет.

Сувата и надразнета кашлица најчесто е последица на инфекции на дишните патишта, може да биде како лаење на куче и да биде исцрпувачка за пациентот и за неговата околина. Најчесто спонтано поминува со соодветна симптоматска терапија. По вирусната инфекција често останува хиперреактивност на слузницата на дишните патишта проследена со кашлица и до три недели.

Влажната, т.н. продуктивна кашлица со искашлување на обоен секрет најчесто е причинета од воспаление на бронхиите, хронична опструктивна болест на белите дробови, астма, алергија, хронично воспаление на синусите со постназално слевање на секрет од носот и синусите во грлото или од рефлуксна болест предизвикана од прекумерно враќање на киселата желудочна содржина во хранопроводот и во грлото, особено во лежечка позиција.

Долготрајната продуктивна кашлица проследена со слабеење може да биде последица на туберколоза и малигни болести, а онаа проследена со задишување при напор или во хоризонтална положба на телото, е знак на попуштање на срцето и застој во белите дробови. Оваа кашлица е честа и кај пушачите.

Лекувањето на кашлицата зависи од причината и од типот на кашлањето. Лекувањето треба да се насочи кон третирање на основната болест.