![ka2](https://panacea.mk/wp-content/uploads/2018/10/ka2-696x464.jpg)
Стручњаците велат дека кашлицата е заштитник на здравјето, бидејќи спречува несакани супстанци низ грлото да влезат понатаму во телото. Меѓутоа таа може да биде и симптом на одредена болест, па дури и многу сериозно пореметување на здравјето.
Кога ќе дојде есента, а особено зимата сите почнуваат да кашлаат и доколку не се јават уште некои дополнителни тегоби или симптоми, кашлицата поминува без интервенција на лекар за неколку дена.
При секоја акутна вирусна инфекција постои фаза на суво надразнето кашлање, бидеќи вирусот го оштетува епителот на дишните патишта, каде се наоѓаат рецепторите за кашлица. Кашлањето што тогаш се јавува е одбранбено и не треба да се спречува. Таквата кашлица овозможува насобраниот вирус и секрет кој се создава, да се исфрлат од организмот. После фазата на сувата и иритирачка кашлица, настапува фаза на продуктивна кашлица кога дишните патишта се обидуваат да ја разблажат концентрацијата на вирусот на тој начин што лачат секрет, одбранбените клетки ги фаќаат тие вируси и ги уништуваат. Во овој процес и самите клетки пропаѓаат и тој отпад од воспалителна реакција се елиминира со кашлање. Таквата кашлица треба да се стимулира. Најдобар начин е да се внесуваат доволно течности и препарати на билна основа кои единствено го омекнуваат секретот.
Акутната респираторна инфекција поминува за пет до седум дена, а во некои сличаи и за 10 дена. Пациентите кои се дополнително оптоварени со хронична кашлица ќе се лекуваат две до три недели.
Хроничната кашлица трае подолго од осум недели, се јавува секој ден и може да биде со и без искашлување. Бројни светски студии покажале дека хроничната кашлица зафаќа 30-40 % од вкупната популација, а 10 % има кашлица со искашлување. Оваа кашлица полесно се лекува бидејќи е јасен причинителот за болеста. Пациентите се најчесто пушачи, а кашлицата ја поттикнуваат загадениот воздух и други болести. Најчести причини за хронична кашлица без искашлување се некоја хронична белодробна болест или употреба на некои лекови. Таа не треба да се сузбива со лекови лекови, ниту со долготрајно земање на препарати за искашлување кои го разблажуваат секретот, бидејќи така болеста само се маскира.