Долгите денови, сончевото и пријатно време, будењето на природата… многу причини заради кои треба да се радуваме на пролетта, но една која ни паѓа на памет и на која никако не и е местото на оваа листа е пролетниот умор. После долгиот зимски сон, пролетта е време кога телото и организмот треба да се разбудат, да се подготват и да се прилагодат на се поголемите активности кои не очекуваат во идните месеци. И така веќе со почетокот на март кај многумина се јавува чувство на засилен умор кој полека поминува како времето се повеќе се затоплува. Стручњаците велат дека не треба да се крева паника зашто се работи за нормален и очекуван процес.
Синдромот на пролетен умор се карактеризира со недостаток на концентрација, зголемена поспаност дури и во текот на денот, раздразливост и исрцпеност. Со оглед на тоа дека пролетта буквално ни е пред врата вистинско време е да откриеме неколку едноставни и, пред се, практични совети кои можете да почнете да ги практикувате уште веднаш за да му кажете збогум на пролетниот умор.
На промената на годишното време прилагодете ги и прехранбените навики
Кај симптомите на пролетен умор голема улога игра и недостатокот на витамин Ц затоа еден од најважните чекори кои треба да ги направите е врзан токму за прехранбените навики. Се препорачува во исхраната да се воведат што е можно повеќе намирници кои изоболуваат со витамин Ц за полесно да ги совладате сите симптоми. Полесната исхрана (во споредба со зимската) богата со сезонски намирници и разно овошје и зеленчук ќе ви помогне да ги постигнете потребните нивоа на енергија. Со оглед на тоа дека пролетта е мошне интензивен период не е на одмет да се посеге и за дополнителен внес на витамини и минерали како додатоци во исхраната.
Освен витаминот Ц во борбата со пролетниот умор ќе помогне и магнезиумот чии потребни количества е мошне тешко да се добијат исклучиво преку исхраната, па посебно се препорачува земање на магнезиум за побрзо и полесно да се изборите со исцрпеноста, заморот и стресот.
Обидете се да негувате здрави навики и не го прескокнувајте појадокот, кој ако добро го испланирате, навистина може да ви ги даде потребните количества енергија. Зобената каша, сушеното и свежо овошје, јаткастите плодови и сличната здрава храна и пијалаци ќе го подигнат нивото на енергија и ќе обезбедат добар почеток на денот. Во овие месеци хидратацијата е поважна од кога било, не заборавајте дека е потребно да пиете најмалку 1,5 л вода на ден. Доволното количество вода ќе помогне телото да се ослободи од наталожените токсини, ќе го регулира варењето и ќе го намали чувството на замор.
Искористете го убавото време за престој во природа
Сигурно веќе знаете дека престојот во природа, на дневна светлина и свеж воздух, може значително да влијае на подобрувањето на вашето расположение, па затоа искористете го секој слободен момент да излезете надвор на прошетка. Телото ќе ви биде благодарно на лесната физичка активност со која ќе влијаете на поткревањето на нивоата на енергија. Освен тоа, благотворното влијание на вежбањето ќе помогне и во зајакнувањето на имунитетот.
Редовната физичка активност ќе влијае на уште еден непожелен симптом на пролетниот замор – лесен и неправилен сон. Освен што би требало да внимавате и да го темпирате времето кога одите на спиење, доколку почнете да вежбате, односно ако во секојдневнието вклучите физичка активност заради уморот сигурно ќе ви биде полесно да заспиете, а сонот ќе биде поцврст и поквалитетен. Што, пак, значи дека ќе се разбудите одморни, наспани и полни со енергија за остатокот од денот.
Држете се до рутината на спиење, внимавајте на исхраната, одбегнувајте тешка храна и алкохолни пијалаци, креирајте здрави навики и резултатите нема да изостанат. Ако се придружувате до овие едноставни совети и минимални прилагодувања, ќе му помогнете на своето тело безболно и брзо да се прилагоди на пролетта за полни со енергија да можете да уживате во, според многумина, најубавиот период од годината.
