Помнењето некои луѓе ги служи подобро, некои полошо. Дали добрата меморија е вродена или сепак има нешто на кое може да се поработи за да се подобри?
Без оглед на тоа што многумина од нас мислат дека не може, истражувањата го покажуваат спротивното. Помнењето може да се вежба.
Постојат докажани начини на кои можеме да ја тренираме меморијата, а еден од нив е создавање на „палата на сеќавања“.
Концептот функционира на следниов начин: Кога се обидувате да запомните нешто, на пр., листа за шопинг, замислете ја секоја ставка од списокот во вашата дневна соба. Ако треба да купите јајца, замислете ја кокошката која само што ги извела јајцата на масата во вашата дневна соба, пишува „Independent“.
Не е ништо ново, но велат дека функционира. Обидете се, нема ништо да изгубите.
